ପଞ୍ଜାବ: ପଞ୍ଜାବର ଅମୃତଶରରେ ଅଘଟଣ । ଭୁଶୁଡି ପଡିଲା ଏକ ବିଲ୍ଡିଂର ଛାତ । ଯାହାଫଳରେ ଗୋଟିଏ ପରିବାରର ୩ ଜଣଙ୍କର ମୃତ୍ୟୁ ହୋଇଛି । ଏହାସହିତ ଏହି ଦୁର୍ଘଟଣାରେ ଅନ୍ୟ ୪ ଜଣ ଗୁରୁତର ହୋଇଛନ୍ତି । ଆହତଙ୍କୁ ଅମୃତଶର ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ଘରେ ସମସ୍ତେ ଶୋଇଥିବା ବେଳେ ବିଲ୍ଡିଂର ଛାତ ଭୁଷୁଡି ପଡିଥିଲା ।
ମିଳିଥିବା ସୂଚନା ମୁତାବକ ରାତି ପାଖାପାଖି ୨ଟା ବେଳେ ଏହି ଅଘଟଣ ଘଟିଥିଲା । ବର୍ଷା ଯୋଗୁଁ ଛାତ ଭୁଶୁଡି ପଡିଥିବା ଜଣାପଡିଛି । ବର୍ତ୍ତମାନ ଉକ୍ତ ବିଲ୍ଡିଂ ଭିତରକୁ କାହାକୁ ଛଡାଯାଉନଥିବା ପୋଲିସ ଅଧିକାରୀ ପ୍ରଭାସ ସିଂ କହିଛନ୍ତି।