ଆଦି କୈଳାସରୁ ଫେରୁଥିବା ବେଳେ ମର୍ମନ୍ତୁଦ ସଡ଼କ ଦୁର୍ଘଟଣା, ମୁଖ୍ୟମନ୍ତ୍ରୀ ଧାମି ଜଣାଇଲେ ଶୋକ
ଧାରଚୁଲା-ଲିପୁଲେଖ ମାର୍ଗରେ ଲଖରପୁର ପାଖରେ ଗାଡିଟି ଦୁର୍ଘଟଣାଗ୍ରସ୍ତ ହୋଇଥିଲା । ଗାଡିଟି ହଠାତ୍ ଅନିୟନ୍ତ୍ରିତ ହୋଇ ଖାଇକୁ ଖସିପଡିଥିଲା । ମଙ୍ଗଳବାର ଦ୍ୱିପ୍ରହରରେ ୨.୩୦ରେ ଟାକ୍ସିରେ ଥିବା ଶ୍ରଦ୍ଧାଳୁଙ୍କ ମୃତ୍ୟୁ ହୋଇଛି ।
ପିଥୋରାଗଢରେ ଧାରଚୁଲା ତହସିଲ ଲଖନପୁର ଅଞ୍ଚଳରେ ମର୍ମନ୍ତୁଦ ସଡ଼କ ଦୁର୍ଘଟଣା । ଆଦି କୈଳାସରୁ ଦର୍ଶନ ସାରି ଫେରୁଥିବା ଟାକ୍ସି ଖାଇକୁ ଖସିପଡିଥିଲା । ଏଥିରେ ଡ୍ରାଇଭର ସମେତ ୬ ଜଣଙ୍କର ମୃତ୍ୟୁ ହୋଇଛି । ପୋଲିସ ଏବଂ ଏସଡିଆରଏଫ ଟିମ୍ ଯାତ୍ରୀମାନଙ୍କୁ ଉଦ୍ଧାର ପାଇଁ ଚେଷ୍ଟା କରୁଛି । କିନ୍ତୁ ପ୍ରବଳ ବର୍ଷା ଏବଂ ଭୂସ୍ଖଳପ ଯୋଗୁଁ ଉଦ୍ଧାର କାର୍ଯ୍ୟ ରୋକିବାକୁ ପଡିଛି ।
ଖବର ମୁତାବକ, ଧାରଚୁଲା-ଲିପୁଲେଖ ମାର୍ଗରେ ଲଖରପୁର ପାଖରେ ଗାଡିଟି ଦୁର୍ଘଟଣାଗ୍ରସ୍ତ ହୋଇଥିଲା । ଗାଡିଟି ହଠାତ୍ ଅନିୟନ୍ତ୍ରିତ ହୋଇ ଖାଇକୁ ଖସିପଡିଥିଲା । ମଙ୍ଗଳବାର ଦ୍ୱିପ୍ରହରରେ ୨.୩୦ରେ ଟାକ୍ସିରେ ଥିବା ଶ୍ରଦ୍ଧାଳୁଙ୍କ ମୃତ୍ୟୁ ହୋଇଛି । ଅନ୍ଧାରରେ ବର୍ଷା ଏବଂ ଭୂସ୍ଖଳନ ଯୋଗୁଁ ଉଦ୍ଧାର କାର୍ଯ୍ୟରେ ବାଧା ଉପୁଜିଥିଲା ।
धारचूला-लिपुलेख सड़क मार्ग पर लखनपुर के समीप दुर्भाग्यपूर्ण सड़क दुर्घटना में यात्रियों के हताहत होने का अत्यंत दु:खद समाचार प्राप्त हुआ।
ईश्वर से प्रार्थना है कि दिवंगत आत्माओं को अपने श्रीचरणों में स्थान एवं शोक संतप्त परिजनों को यह असीम कष्ट सहन करने की शक्ति प्रदान करें।
ॐ…
— Pushkar Singh Dhami (@pushkardhami) October 24, 2023
ଦୁର୍ଘଟଣା ହୋଇଥିବା ଟାକ୍ସି ପଛରେ ଏକ ଗାଡି ଆସୁଥିଲା । ଟାକ୍ସିଟି ଅନିୟନ୍ତ୍ରିତ ହୋଇ ତଳେ ପଡିଯିବା ଦେଖି ପୋଲିସ ପ୍ରଶାସନକୁ ଖବର ଦେଇଥିଲେ । ଏହାପରେ ପୋଲିସ ଏବଂ ଏସଡିଆରଏଫ ଟିମ୍ ପହଞ୍ଚି ଉଦ୍ଧାର କାର୍ଯ୍ୟ ଜାରି କରିଥିଲା । ଗାଡିରେ ଥିବା ଲୋକ ବେଙ୍ଗାଲୁରୁର ଥିଲେ ।
ଏହି ଦୁର୍ଘଟଣାରେ ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ଦୁଃଖ ପ୍ରକାଶ କରିବା ସହିତ ପରିଜନଙ୍କ ପ୍ରତି ସମବେଦନା ଜଣାଇଛନ୍ତି ।