ପଢ଼ା ପାଇଁ ଛୋଟ ଝିଅ ହାତ ଯୋଡ଼ି କଲେ ସହାୟତାର ଗୁହାରି, ସାହାଯ୍ୟ କରିବା ପାଇଁ ପୁଣି ଆଗେଇ ଆସିଲେ ସୋନୁ ସୁଦ୍
ନୂଆଦିଲ୍ଲୀ : ବଲିଉଡ୍ ଅଭିନେତା ସୋନୁ ସୁଦଙ୍କ ସହାୟତା କଥା କାହାକୁ ବା ଅଜଣା । କରୋନା ଲକ୍ଡାଉନ୍ ସମୟରେ ପ୍ରବାସୀ ଶ୍ରମିକଙ୍କ କଥା ହେଉ ବା ବିଦେଶରେ ଫସି ରହିଥିବା ଦେଶବାସୀଙ୍କ କଥା । ସେ ସମସ୍ତଙ୍କ ପାଇଁ ସହାୟତାର ହାତ ବଢ଼ାଇ ନିଜ ନିଜ ଘରକୁ ଫେରାଇ ଆଣିବାରେ ଦେବଦୂତ ସାଜିଥିଲେ । ଖାଲି ସେତିକି ନୁହେଁ କାହାକୁ ଟ୍ରାକ୍ଟର ତ କାହାକୁ ଅନ୍ୟ କିଛି ସାହାଯ୍ୟ କରି ସେ ଦେଶବାସୀଙ୍କ ଶ୍ରଦ୍ଧା ଭାଜନ ହୋଇପାରିଥିଲେ ।
ଏବେ ଦୁଇଜଣ ଛୋଟ ପିଲା ସୋନୁ ସୁଦ୍ଙ୍କ ମନ ଜିତି ଯାଇଛନ୍ତି । ଏହି ୮/୧୦ ବର୍ଷର ଦୁଇଟି ଝିଅ ସ୍କୁଲ୍ରେ ଆଡମିଶନ୍ ପାଇଁ ସୋନୁ ସୁଦଙ୍କୁ ହାତ ଯୋଡି ଗୁହାରି କରିଥିବାର ଏକ ଭିଡିଓ ଭାଇରାଲ୍ ହେବା ପରେ ସୋନୁ ସେମାନଙ୍କୁ ସହଯୋଗ କରିବା ପାଇଁ ଆଗେଇ ଆସିଛନ୍ତି । ସୋନୁ ସେମାନଙ୍କ ସ୍କୁଲରେ ଆଡମିସନ୍ ମଧ୍ୟ କରିଦେଇଛନ୍ତି । ଝିଅ ଦୁଇଟି ଭିଡିଓରେ ହାତ ଯୋଡ଼ି ଗୁହାରି କରୁଥିବାର ଦେଖାଯାଇଥିଲା ।
Respect sonu sir🙏mera naam Mohammed shannu hai,my bahuth poor family person hun,meri ghar ki Haalath bahuth Qarab hai,mere dono bachiyon ki feez pay kar na hai,plz meri madath karo sir,mere bachiyon ki padai ke liye help karo sir 🙏 @SonuSood @vishallamba20 phone:7702261574 & 🙏 pic.twitter.com/4BYsDDEcsj
— SONY TRS (@trs_sony) August 17, 2020
ଝିଅର ବାପା ସୋନୁଙ୍କ ପାଖକୁ ନିଜର ଘରର ଅବସ୍ଥା ବହୁତ ଖରାପ ବୋଲି ଲେଖିବା ସହ ଝିଅର ପଢ଼ା ପାଇଁ ସହାୟତାର ହାତ ବଢ଼ାଇଥିଲେ । ସୋନୁଙ୍କ ନଜରକୁ ଏହା ଆସିବା ପରେ ସେ ପିଲା ଦୁଇଜଣଙ୍କର ଆଡମିସନ୍ କରିଦେଇଥିବା ଜଣାଯାଇଛି ।
