ମୁମ୍ବାଇ: ଏବେ ସାରା ଦେଶରେ ହୁହୁ ହୋଇ ବଢି ଚାଲିଛି ପିଆଜ ଦର । ଆମିଷ ଖାଇବା ଲୋକେ ମଧ୍ୟ ନିରାମିଷ ଭୋଜନ କରିବାକୁ ବାଧ୍ୟ ହେଉଛନ୍ତି । ପିଆଜ ଦର ସବୁ ରେକର୍ଡ ପାର କରିଥିବାବେଳେ ସାଧାରଣରେ ଏହାକୁ ନେଇ ଅସନ୍ତୋଷ ମଧ୍ୟ ପ୍ରକାଶ ପାଇବାରେ ଲାଗିଛି । ଏଭଳି ପରିସ୍ଥିତିରେ ଏବେ ବିଭିନ୍ନ ସ୍ଥାନରୁ ସୁନା,ଟଙ୍କା ଭଳି ପିଆଜ ଚୋରି ହେବା ନେଇ ମଧ୍ୟ ଖବର ସାମ୍ନାକୁ ଆସିବାରେ ଲାଗିଛି । ଏହା ଭିତରେ ନିକଟରେ ଡିସେମ୍ବର ୫ତାରିଖରେ ମୁମ୍ବାଇର ଡୋଗରି ବଜାରରେ ପାଖାପାଖି ୧୬୮ କିଲୋ ପିଆଜ ଚୋରି ହୋଇଥିବା ନେଇ ଅଭିଯୋଗ ଆସିଥିଲା । ଯାହାର ଖୋଳତାଡ କରିବା ପରେ ମୁମ୍ବାଇ ପୋଲିସ୍ ଘଟଣାରେ ସମ୍ପୃକ୍ତ ଥିବା ୨ ଅଭିଯୁକ୍ତଙ୍କୁ ଗିରଫ କିରିଛି ।
ଦେଖନ୍ତୁ ଭିଡିଓ:
#WATCH Maharashtra: Police have arrested two men for stealing onions worth Rs 21,160 from two shops on December 5 in Dongri area of Mumbai. (CCTV footage) pic.twitter.com/keNxjbkFQ5
— ANI (@ANI) December 11, 2019
video courtecy: ANI
ତେବେ ଯେଉଁ ସମୟରେ ପିଆଜ ଚୋରି କରାଯାଇଥିଲା ସେହି ସମୟର ଭିଜୁଆଲ୍ ପାଖରେ ଥିବା ଏକ ସିସିଟିଭିରେ ରେକର୍ଡ ହୋଇଯାଇଥିଲା । ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ବିଳମ୍ବିତ ରାତିରେ ସୁଯୋଗ ପାଇ କିଭଳି ପିଆଜ ବସ୍ତାକୁ ଟେକି ନେଉଛନ୍ତି ଚୋର ତାହା ଏହି ଭିଡିଓରେ ଦେଖିବାକୁ ମିଳୁଛି। ତେବେ ଚୋରି ହୋଇଥିବା ପିଆଜର ଆନୁମାନିକ ମୂଲ୍ୟ ପାଖାପାଖି ୨୧ହଜାର ଟଙ୍କା ହେବ ବୋଲି ଜଣାପଡିଛି । ଅନ୍ୟପଟେ ସିସିଟିଭି ଭିଡିଓକୁ ଦେଖିବା ପରେ ପୋଲିସ ଅତି ସହଜରେ ଅଭିଯୁକ୍ତ ପାଖରେ ପହଁଚିବା ସହିତ ଗିରଫ କରିବାରେ ସଫଳ ହୋଇଛି ।