ଉତ୍ତରପ୍ରଦେଶର କାନପୁର ଜିଲ୍ଲାରେ ଗତ ତିନି ବର୍ଷ ହେଲା ଜଣେ ମୃତବ୍ୟକ୍ତି ବୃଦ୍ଧାବସ୍ଥା ପେନସନ ପାଇବା ପାଇଁ ଅଧିକାରୀଙ୍କ ଚକ୍କର କାଟୁଛନ୍ତି । ଏହି ଘଟଣା ଉଚ୍ଚ ଅଧିକାରୀ ଜାଣିବା ପରେ ସମାଜ କଲ୍ୟାଣ ବିଭାଗ ବର୍ତ୍ତମାନ ନିଜର ଭୁଲ ସୁଧାରିବା ପାଇଁ ଲାଗିପଡିଛି । ଯଦିଓ ଏହାସହ ସମ୍ବନ୍ଧିତ ଅଫିସର ଏପରି କରିଛନ୍ତି କିନ୍ତୁ ତାଙ୍କୁ ପୁରୁଣା ତାରିଖରୁ ପେନସନ ବଦଳରେ ନୂଆଭାବେ ଆବେଦନ କରିବା ପାଇଁ ସେ ପ୍ରସ୍ତାବ ଦେଉଛନ୍ତି ।
ସୂଚନା ଅନୁଯାୟୀ କଲ୍ୟାଣପୁର ବ୍ଲକ ବୈକୁଣ୍ଠପୁର ଗ୍ରାମର ମୋହନ ଲାଲ (୭୦) ସୋମବାର ଦିନ ନିଜ ଭଣଜା ହରିଶଙ୍କର ଏବଂ ନାତି ବିନୋଦ ସହିତ ସମାଜ କଲ୍ୟାଣ ବିଭାଗରେ ପହଂଚି ନିଜେ ଜୀବିତ ଥିବାର ପରିଚୟ ଦେଇଥିଲେ । ତାଙ୍କ କହିବା ଅନୁଯାୟୀ ସେ ୨୦୧୩ରେ ବୃଦ୍ଧାବସ୍ଥା ପେନ୍ସନ ପାଇଁ ଆବେଦନ କରିଥିଲେ । ଏବଂ ୨୦୧୬ ମସିହା ଅଗଷ୍ଟ ମାସ ପର୍ଯ୍ୟନ୍ତ ତାଙ୍କୁ ୩୦୦ ଲେଖାଏଁ ମାସିକ ଭତ୍ତା ମଧ୍ୟ ମିଳିଥିଲା କିନ୍ତୁ ଏହାପରେ ବନ୍ଦ ହୋଇଗଲା । ଏହି ବିଷୟରେ ତଦନ୍ତ କଲାପରେ ଜଣାପଡିଲା ଯେ ୨୦୧୬ ଅଗଷ୍ଟ ୯ ତାରିଖରେ ଖଣ୍ଡ ବିକାଶ ଅଧିକାରୀ ଏକ ରିପୋର୍ଟ ଦେଇଥିଲେ । ଯେଉଁଥିରେ ତାଙ୍କର ମୃତ୍ୟୁ ହୋଇଥିବା ଦର୍ଶା ଯାଇଥିଲା ଓ ସେଥିପାଇଁ ତାଙ୍କର ପେନସନ ବନ୍ଦ କରି ଦିଆଯାଇଥିଲା ।
ଭଣଜା ହରିଶଙ୍କର କହିଛନ୍ତି କି ଗତ ତିନିବର୍ଷ ହେଲା ସେ ଅଧିକାରୀଙ୍କୁ ତାଙ୍କ ଚାଚା ଜୀବିତ ଥିବାର ପ୍ରମାଣ ଦେଇ ଆସୁଛନ୍ତି । ଏହାପରେ ମଧ୍ୟ ତାଙ୍କୁ ପେନସନ ମିଳିପାରୁନାହିଁ । ଭଣଜାଙ୍କର ଆରୋପ ହେଉଛି ସେ ଉଚ୍ଚ ଅଧିକାରୀଙ୍କ ନିକଟରେ ଏହାର ଅଭିଯୋଗ କରିବାପରେ ସେମାନେ ଘଟଣାଟିକୁ ଦବାଇଦେବାକୁ ଉଦ୍ୟମ କରୁଛନ୍ତି । ଏପଟେ କର୍ମଚାରୀ କହୁଛନ୍ତି କି ‘ ପୁରୁଣା ପେନସନକୁ ଭୁଲିଯାଅ, ଯଦି ପେନସନ ଦରକାର ତାହେଲେ ନୂଆ ଆବେଦନ କର । ପୁରୁଣା ଘଟଣାର ଫାଇଲକୁ ଖୋଜିବାକୁ ପଡିବ, ଜଣାନାହିଁ ଏହିଭଳି କେତେ ଫାଇଲ ପଡ଼ିରହିଛି ‘ ।
ଜିଲ୍ଲା ସମାଜ ବିଭାଗ ଅଧିକାରୀଙ୍କ କହିବା ଅନୁଯାୟୀ ଯାଞ୍ଚ କରିବା ପାଇଁ ଆଦେଶ ଦିଆଯାଇଛି । ଯଦି ଏହା ସତ ହୋଇଥାଏ ତାହେଲେ ବୃଦ୍ଧଙ୍କର ପେନସନ ଚାଲୁ କରିଦିଆଯିବ ।