ନିୟମ ଭାଙ୍ଗି ଆସୁଥିଲା କାର୍, ଅଟକାଇବାକୁ ଯାଇ ହିନସ୍ତା ହେଲେ ଟ୍ରାଫିକ୍ ପୋଲିସ୍

ନୂଆଦିଲ୍ଲୀ : ଦୈନନ୍ଦିନ ଜୀବନଯାତ୍ରା ଭିତରେ ଅନେକ ଘଟଣା ଘଟେ । କିଛି ଘଟଣାକୁ ଆମେ ସାଧାରଣ କହି ଏଡ଼ାଇ ଯାଉ ତ ଆଉ କିଛି ଆମ ମନକୁ ପ୍ରଭାବିତ କରେ । ସେ ଦୁଃଖ ହେଉ କି ସୁଖ ଘଟଣାକୁ ଆମେ ବନ୍ଧୁବର୍ଗଙ୍କ ଭିତରେ ବାଣ୍ଟିବାକୁ ଚାହିଁଥାନ୍ତି । ଏମିତି ଏକ ଘଟଣା ଗତକାଲି ଘଟିଥିଲା ବିଚ୍ ରାସ୍ତା ଉପରେ । ଯାନବାହନ ନିୟନ୍ତ୍ରଣ କରୁଥିବା ଜଣେ ଟ୍ରାଫିକ୍ ପୋଲିସ୍ କର୍ମଚାରୀଙ୍କ ସାଙ୍ଗରେ । ଯାହା ସେ କେବେବି ସ୍ୱପ୍ନରେ କଳ୍ପନା କରି ନଥିବେ । ଘଟଣାଟି ଏଇମିତି । ହରିଆଣାର ଗୁରୁଗ୍ରାମ ଅଞ୍ଚଳ ସିଗନେଚର ଚୌକରେ ଜଣେ ଟ୍ରାଫିକ୍ ପୋଲିସ୍ କର୍ତ୍ତବ୍ୟରତ ଥିବା ବେଳେ ଜଣେ କାର୍ ଚାଳକ ଟ୍ରାଫିକ୍ ନିୟମ ନମାନି ଭୁଲ ରାସ୍ତାରେ ଆସୁଥିଲେ । ତାଙ୍କୁ ଟ୍ରାଫିକ୍ ପୋଲିସ୍ କର୍ମଚାରୀ ଜଣକ ଅଟକାଇବାକୁ ଚେଷ୍ଟା କରିଥିଲେ । ହେଲେ ସେ ଗାଡ଼ି ଅଟକାଇ ନଥିଲେ । ଓଲଟା ତାଙ୍କ ଉପରକୁ ଗାଡ଼ି ମଡ଼ାଇ ଦେଇଥିଲେ । ତେବେ ସତର୍କ ଥିବା ପୋଲିସ୍ କର୍ମଚାରୀ ଜଣକ ତୁରନ୍ତ ନିଜକୁ ବଞ୍ଚାଇ ଗାଡ଼ିର ବନେଟ୍ ଉପରକୁ ଡେଇଁ ପଡ଼ି ଝୁଲି ରହିଥିଲେ । ଅଭିଯୁକ୍ତ ଜଣକ ସେହି ଅବସ୍ଥାରେ କିଛି ବାଟ ଗାଡ଼ି ଚଳାଇ ନେବା ପରେ ଗାଡ଼ି ରୋକି ଥିଲେ । ପରେ ପୋଲିସ୍ ତାଙ୍କୁ ଗିରଫ କରିବା ସହ କାର୍ ଜବତ କରିଛି । ତେବେ କାର୍ ଡ୍ରାଇଭର ଜଣକ କହିଛନ୍ତି ତାଙ୍କ ଆଗରେ ଗୋଟିଏ ଗାଡ଼ି ଥିବାରୁ ସେ ଦେଖି ପାରି ନଥିଲେ କି ଗାଡ଼ି ପାର୍କିଂ କରି ପାରିନଥିଲେ । ଦେଖନ୍ତୁ ଏଇ ଭିଡିଓ ।
ସୌଜନ୍ୟ-ଏଏନ୍ଆଇ
#WATCH: Man stopped by traffic police for driving on the wrong side near Signature Tower Chowk in Gurugram, dragged traffic personnel on the bonnet of his car when the personnel tried to stop him. He was later arrested & the car was also seized. #Haryana (19.12.18) pic.twitter.com/BbyN79ysIW
— ANI (@ANI) December 20, 2018
ସାରା ବିଶ୍ୱରେ ସର୍ବାଧିକ ସଡ଼କ ଦୁର୍ଘଟଣା ଭାରତରେ ଘଟିଥାଏ । ଦିନକୁ ଅତି କମ୍ରେ ୫ ଜଣ ହିସାବରେ ବର୍ଷକୁ ୧୬୦୦ରୁ ଅଧିକ ଲୋକଙ୍କର ମୃତ୍ୟୁ ଦୁର୍ଘଟଣାରୁ ଘଟିଥାଏ ବୋଲି ଅନୁସନ୍ଧାନରୁ ଜଣାପଡ଼ିଛି । ତା ଭିତରେ ଦିଲ୍ଲା ରହିଛି ସବା ଆଗରେ ।