ଜଙ୍ଗଲ ନିଆଁରୁ ଉଦ୍ଧାର ହୋଇଥିବା ଭାଲୁ ଛୁଆର ଅନାବିଳ ପ୍ରେମ, ବନ ବିଭାଗ କର୍ମଚାରୀଙ୍କୁ ଦେବଦୂତ ଭାବି ପାଖରୁ ଛାଡିଲା ନାହିଁ,ଦେଖନ୍ତୁ ଭିଡିଓ
ଆଜିର ସମାଜରେ ସାହାଯ୍ୟର ମୂଲ୍ୟବୋଧକୁ କେହି ବୁଝନ୍ତି ନାହିଁ। କ୍ଷଣିକ ସମୟ ସାହାଯ୍ୟକାରୀର ବଦାନ୍ୟତାକୁ ମନେପକାଇ ପୁଣି ଭୁଲିଯାନ୍ତି । ଆଉ ସମାଜର ଚିରାଚରିତ ପ୍ରଥା ଅନୁସାରେ କାମ ହାସଲ ହୋଇଗଲା ପରେ ‘କାଶିଆ କିଏ ନା କପିଳା କିଏ’ ଏଭଳି ନ୍ୟାୟରେ ସମ୍ପର୍କକୁ ଭାବିନିଅନ୍ତି। କିନ୍ତୁ ପଶୁ ମାନଙ୍କ କ୍ଷେତ୍ରରେ ଏହାର ବ୍ୟତିକ୍ରମ ପରିଲିଖିତ ହେଲାଣି। ଯାହା ଏହି ଭିଡିଓଟିରୁ ଜଣା ପଡୁଛି। କୁନି ଭାଲୁଛୁଆର ଭଲ ପାଇବା ଆଗରେ ହାର ମାନିଯାଇଛି ଆଜିର ସମାଜର ପ୍ରଚଳିତ ସ୍ବାର୍ଥ ଜଡିତ ଭଳ ପାଇବା ଆଗରେ । ଜଙ୍ଗଲ ପୋଡି ଯାଉଥିବା ବେଳେ କୁନି ଭାଲୁ ଛୁଆକୁ ଉଦ୍ଧାର କରିଥିବା ବନ ବିଭାଗ କର୍ମଚାରୀଙ୍କୁ ନିଜ ଭଗବାନ ଭାବିନେଇଥିଲା ଏହି କୁନି ଭାଲୁ ଛୁଆଟି। ଯାହା ଫଳରେ ନିଜ ପାଖରୁ ଟିକିଏ ବି ଛାଡି ଦେବାକୁ ଇଚ୍ଛା କରୁନାହିଁ ।
Angels are ordinary people with god’s power. A baby bear refuses to leave the angel who rescued it from forest fire☺️ pic.twitter.com/5sgsiNCtf5
— Susanta Nanda IFS (@susantananda3) December 18, 2019
Video courtesy:-Susanta Nanda IFS
ବନ ବିଭାଗ କର୍ମଚାରୀ ଯେତେ ସମ୍ଭବ ଭାଲୁ ଛୁଆକୁ ଛାଡି ସେଠାରୁ ଆସିବାକୁ ଚାହୁଁଛନ୍ତି ସେତେ ସେତେ ଭାଲୁଛାଆଟି ବନ ବିଭାଗ କର୍ମଚାରୀଙ୍କ ଗୋଡ ପାଖକୁ ଚାଲି ଆସିଛି । ସତେ ଯେମିତି ସେ କହୁଛି ‘ହେ ମୋର ଦେବଦୂତ ମୋତେ ଛାଡି ତୁମେ ଯାଓ ନାହିଁ’।