ଅନେକ ଥର ଆମେ କୌଣସି ଇଲେକ୍ଟ୍ରୋନିକ୍ସ ଡିଭାଇସକୁ କେବଳ ନିଜ ସଉକ ମେଣ୍ଟାଇବା ପାଇଁ ଆଉ କେବଳ ସ୍ଟାଟସର ପରିଚୟ ଦେବା ପାଇଁ ହିଁ କିଣିଥାଉ । ଆଉ କିଣିବାରେ ଏମିତି ମଜ୍ଜି ଯାଉଯେ ସେଗୁଡିକର ଫିଚର୍ସ ଉପରେ ସେତେଟା ଧ୍ୟାନ ଦେଇନଥାଉ । କିନ୍ତୁ ଅନେକ ସମୟରେ ଏହି ଡିଭାଇସ ଗୁଡିକ ମଣିଷର ଜୀବନ ମଧ୍ୟ ବଞ୍ଚେଇ ଦେଇପାରେ । ସୁଦୂର ସିଙ୍ଗାପୁରରେ ଘଟିଛି ଏମିତି ଏକ ଘଟଣା । ୨୪ ବର୍ଷୀୟ ଜଣେ ଛାତ୍ର ନିଜେ ବାଇକ ଚଲେଇ ଯାଉଥିବା ବେଳେ ବାଟରେ ତାଙ୍କର ଆକ୍ସିଡେଣ୍ଟ ହୋଇଥିଲା । ଆଉ ଏକ ଇଲେକ୍ଟ୍ରୋନିକ୍ସ ଡ଼ିଭାଇସ ହିଁ ଛାତ୍ର ଜଣଙ୍କର ଜୀବନ ରକ୍ଷା କରିପାରିଥିଲା । ପ୍ରକୃତରେ ୨୪ ବର୍ଷୀୟ ମହମ୍ମଦ ଫିତ୍ରି ନାମକ ଜଣେ ଛାତ୍ର ସିଙ୍ଗାପୁରରେ ରହି ପଢ଼ନ୍ତି । ଗୋଟେ ଦିନ ନିଜ ମୋଟରସାଇକେଲ ଯୋଗେ ଯିବା ସମୟରେ ଏକ ଭ୍ୟାନ ତାଙ୍କ ଗାଡିକୁ ଧକା ଦେଇଥିଲା ଫଳରେ ସେ ସଡକ ଉପରେ ମୁହଁ ମାଡ଼ି ପଡିଯାଇଥିଲେ । ଦୁର୍ଘଟଣା ପରେ ଛାତ୍ର ଜଣଙ୍କର ହୋସ ନଥିଲା ।
ତାଙ୍କ ଚଳ ପ୍ରଚଳ ବି ଏକ ପ୍ରକାର ଠପ ହୋଇଯାଇଥିଲା । କିନ୍ତୁ ତାଙ୍କ ହାତରେ ବନ୍ଧା ଯାଇଥିବା Apple Watch ତାଙ୍କ ପ୍ରତିଟି ମୁଭମେଣ୍ଟକୁ ଟ୍ରାକ କରୁଥିଲା । ପଡିଯିବା ପରେ ତାଙ୍କ ହାତରେ ଥିବା ଘଡିଟି ଆକ୍ଟିଭ ହୋଇଥିଲା ଆଉ ସେଥିରେ ଅତ୍ୟାଧୁନିକ ଟେକ୍ନୋଲୋଜି ଯୋଗୁଁ ଛାତ୍ର ଜଣଙ୍କ ବେହୋସ ହୋଇଯାଇଛନ୍ତି ବୋଲି ବୋଧ ହୁଏ ଜାଣି ପାରିଥିଲା । ଆଉ ତୁରନ୍ତ ଅଟୋମେଟିକ ପ୍ରୋଗ୍ରାମିଙ୍ଗ ଜରିଆରେ ଏମର୍ଜେନ୍ସି ସର୍ଭିସକୁ କଲ କରିଥିଲା । ଖାଲି ସେତିକି ନୁହେଁ ମହମ୍ମଦଙ୍କ କିଛି ନିକଟତର ବ୍ୟକ୍ତି ମାନଙ୍କୁ ବି କଲ ଦେଇଥିଲା । ପରିବାର ସହିତ କଥାବାର୍ତ୍ତା ସମୟରେ ଜଣାପଡିଛିଯେ ଦୁର୍ଘଟଣା ସମୟରେ ଆଖପାଖ ଅଂଚଳରେ କେହି ବି ମହଜୂତ ନଥିଲେ । କେବଳ ସାଥିରେ ତାଙ୍କ ଘଡି ଟି ହିଁ ଥିଲା । ଯଦି ଯଥା ସମୟରେ ଘଡ଼ିଟି ଦୁର୍ଘଟଣାଗ୍ରସ୍ଥଙ୍କ ସାଥି ନ ଦେଇଥାନ୍ତା ତେବେ ବୋଧ ହୁଏ ତାର ଜୀବନ ଚାଲିଯାଇଥାନ୍ତା ।