ରୁଷର ଓରାଲ ପ୍ରଦେଶର ଏକଟେରିନବର୍ଗରେ ସୋମବାର ଏକ ଭୀଷଣ ଝଡ଼ ସୃଷ୍ଟି ହୋଇଥିଲା ଯାହା ସହରରେ ଏକ ବଡ଼ ଧ୍ୱଂସାବଶେଷ ସୃଷ୍ଟି କରିଛି । ଏହି ଝଡ଼ରେ ଅନେକ ଘରର ଛାତ ଉଡିଯାଇଥିଲା, ମୋବାଇଲ୍ ଟାୱାର ଖସି ଯାଇଥିଲା ଏବଂ ଏହି ଘଟଣାରେ 3 ଜଣଙ୍କର ମୃତ୍ୟୁ ମଧ୍ୟ ହୋଇଥିଲା । ତେବେ ଏହି ଭୟଙ୍କର ଝଡର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସେଥିମଧ୍ୟରୁ ଗୋଟିଏ ଭିଡିଓରେ ଭାରି ପବନରେ ଏକ ଘରର ଛାତ ଉଡି ଆସି ଜଣେ ବ୍ୟକ୍ତିଙ୍କ ଉପରେ ପଡୁଥିବା ଦେଖିବାକୁ ମିଳିଛି ।
В Екатеринбурге боженька наслал ураган который ломает антенны 5G. Шах и мат атеисты pic.twitter.com/kfw4jwfmLh
— DIMEX (@DIMEXmd) May 25, 2020
ସେହିପରି ଅନ୍ୟ ଏକ ଭିଡିଓରେ ବିଲ୍ଡିଂର ଛାତ ଉପରେ ଥିବା ମୋବାଇଲ୍ ଟାୱାର ଖସିପଡିଥିବାର ନଜର ଆସିଛି । ସୂଚନା ଅନୁଯାୟୀ ଏକଟେରିନବର୍ଗ ରୁଷର ଚତୁର୍ଥ ବୃହତ୍ତମ ସହର ଏବଂ ଏହା ଏକ ଶିଳ୍ପ କେନ୍ଦ୍ର ଭାବରେ ପରିଗଣିତ । ଏହି ଭୟଙ୍କର ଝଡ଼ରେ ଶହ ଶହ ଗଛ ଉପୁଡ଼ି ଯାଇଥିଲା ଯାହାକି ସହରର ରାସ୍ତା ଅବରୋଧ କରିଛି ।
Ураган в Ёбурге сегодня. pic.twitter.com/UXe1C1IEjh
— Злой инспектор (@maraboretc) May 25, 2020
ଗୋଟିଏ ଭିଡିଓରେ ଜଣେ ବ୍ୟକ୍ତି ଛାତ ଉପରେ ଥିବା ପ୍ଲାଷ୍ଟିକ୍ ସିଟ୍ ଧରି ରଖିବାକୁ ଚେଷ୍ଟା କରୁଛନ୍ତି । କିନ୍ତୁ ପ୍ରବଳ ପବନରେ ସେ ତାଙ୍କୁ ଧକ୍କା ଦେଉଛି ଯାହାଦ୍ୱାରା ସେ ଅତି ଗମ୍ଭୀର ଭାବେ ଆହତ ହେଉଛନ୍ତି । ମିଳିଥିବା ସୂଚନା ଅନୁଯାୟୀ ଘଣ୍ଟା ପ୍ରତି 120 କିଲୋମିଟର ବେଗରେ ପବନ ବହିବା ସହ ସହରରେ ଅନେକ କ୍ଷତି ଘଟିଛି । ଇଲେକ୍ଟ୍ରିକ୍ ପୋଲଗୁଡିକ ମଧ୍ୟ ଭାଙ୍ଗି ଯାଇଛି ଏବଂ ସହରର ଅନେକ ଅଞ୍ଚଳରେ ବିଦ୍ୟୁତ୍ ସରବରାହ ବିଛିନ୍ନ ହୋଇଛି ।