ମାଙ୍କଡସାକୁ ଆମେ ସାଧାରଣତଃ ନିଜ ଘର କାନ୍ଥରେ ବା ଖାଲି ପଡିଥିବା ଘରେ ଜାଲ ବୁଣି ରହିଥିବାର ଦେଖିଥାଉ । ଏହି ଜାଲରେ ଫସି ରହିଥିବା ଛୋଟ ଛୋଟ କୀଟ ପତଙ୍ଗକୁ ଏମାନେ ନିଜ ଆହାର ଭାବେ ଗ୍ରହଣ କରିଥାନ୍ତି । କିନ୍ତୁ ଏହି ମାଙ୍କଡସାର ଏକ ଆଶ୍ଚର୍ଯ୍ୟଜନକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେଉଛି ଯାହାକୁ ଦେଖି ଆପଣ ମାନେ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଆପଣ ମାଙ୍କଡସାର ଏହିଭଳି ଅଦ୍ଭୁତ ଦୃଶ୍ୟ ଆଗରୁ କେବେ ବି ଦେଖିନଥିବେ ।ଭାଇରାଲ ହୋଇଥିବା ଏହି ଭିଡିଓରେ ଏକ ମାଙ୍କଡସା ଗୋଟିଏ ଚଢେଇକୁ ନିଜର ଶିକାର କରିଛି , ଏମିତି ଶିକାର ଯାହା ଦେଖିଲେ ଆପଣ ତାଯୁବ ହୋଇ ରହିଯିବେ ।
ମାଙ୍କଡ଼ସାଟି ନିଜ ପାଟି ସାହାଯ୍ୟରେ ଚଢେଇଟିକୁ ଚାପି ରଖିଛି । ଏହି ଦୃଶ୍ୟ ଦେଖି ଆଶ୍ଚର୍ଯ୍ୟ ଲାଗୁଛି ନା …ମନକୁ ଆସୁଥିବ ଯେ ମାଙ୍କଡସା ନିଜ ଠାରୁ ଆକାରରେ ଦ୍ୱିଗୁଣ ବଡ ଚଢେଇକୁ କିପରି ନିଜ ପାଟି ସାହାଯ୍ୟରେ ଚାପି ରଖି ପାରୁଛି କିପରି ? ସେ କେବଳ ପାଟିରେ ଚଢେଇଟିକୁ ଚାପି ରଖିନାହିଁ ବରଂ ସେ ସେହି ଚଢେଇକୁ ଆସ୍ତେ ଆସ୍ତେ ଚୋବେଇବାରେ ମଧ୍ୟ ଲାଗିଛି । ଏହି ଦୃଶ୍ୟ ଦେଖି ଏମିତି ଲାଗୁଛି ଯେମିତିକି ମାଙ୍କଡସା ଆଉ ଅଳ୍ପ ସମୟ ମଧ୍ୟରେ ସେହି ବଡ ଆକାରର ଚଢେଇକୁ ସମ୍ପୂର୍ଣ୍ଣ ଭାବରେ ନିଜ ପାଟି ଭିତରକୁ ନେଇଯିବ ।
An Avicularia munching on a bird. pic.twitter.com/rmwURWD3CP
— Nature is Scary (@AmazingScaryVid) September 19, 2020
ଏହି ଭିଡିଓଟିକୁ AmazingScaryVid ନାମକ ଜଣେ ଟ୍ଵିଟର ୟୁଜର ସେୟାର କରିଥିଲେ । ଏହି ଆଶ୍ଚର୍ଯ୍ୟଜନକ ଭିଡିଓ ଭାଇରାଲ ହେବାର ମାତ୍ର କିଛି ସମୟ ମଧ୍ୟରେ ହିଁ ଏହାକୁ ଲକ୍ଷାଧିକ ଲୋକ ଦେଖି ସାରିଥିଲେ । ଏହା ସହିତ ଲୋକେ ଭିନ୍ନ ଭିନ୍ନ ରୋମାଞ୍ଚକ କମେଣ୍ଟ ମଧ୍ୟ ଦେଇଛନ୍ତି । କେହି ଜଣେ କହିଛନ୍ତି ଯେ “ଏହି କଳିଯୁଗରେ ସବୁକିଛି ସମ୍ଭବ ହୋଇପାରେ ” । ସେହିପରି ଆଉ ଜଣେ ୟୁର୍ଜସ ଏହାକୁ ପ୍ରକୃତିର ଅଦ୍ଭୁତ ରଚନା ବୋଲି ମଧ୍ୟ କହିଛନ୍ତି ।