କଣ ସତରେ ଦୁନିଆରେ ଜଳପରୀ ଅଛନ୍ତି, ଜାଣନ୍ତୁ ଏହା ପଛର ରହସ୍ୟ
ପୃଥିବୀ ବ୍ୟତୀତ ବିଭିନ୍ନ ସ୍ଥାନରେ ଜୀବଜଗତ ରହିବା ସମ୍ଭବ କି ନୁହେଁ, ତାହାକୁ ନେଇ ରିସର୍ଚ୍ଚ ଆଜି ବି ଜାରି ରହିଛି। କିନ୍ତୁ ଆଜି ପର୍ଯ୍ୟନ୍ତ ଏହାର ରହସ୍ୟ ଭେଦ ହୋଇପାରିନି ।
ପୃଥିବୀ ବ୍ୟତୀତ ବିଭିନ୍ନ ସ୍ଥାନରେ ଜୀବଜଗତ ରହିବା ସମ୍ଭବ କି ନୁହେଁ, ତାହାକୁ ନେଇ ରିସର୍ଚ୍ଚ ଆଜି ବି ଜାରି ରହିଛି। କିନ୍ତୁ ଆଜି ପର୍ଯ୍ୟନ୍ତ ଏହାର ରହସ୍ୟ ଭେଦ ହୋଇପାରିନି । ତେବେ ସମୁଦ୍ର ଭିତରେ ଅନେକ ଜୀବ ରହିଛନ୍ତି ଯେଉଁମାନଙ୍କ ବିଷୟରେ ଅନେକ ଲୋକ ଖୁବ କମ୍ ଜାଣିଥାନ୍ତି। ମାଛ, କଇଁଛ ଏବଂ କୁମ୍ଭୀର ବ୍ୟତୀତ ଆହୁରି ଅନେକ ପ୍ରଜାତିର ଜଳଚର, ସମୁଦ୍ର ମଧ୍ୟରେ ଜୀବନଯାପନ କରିଥାନ୍ତି। ତେବେ ନିକଟରେ ସମୁଦ୍ର କୂଳରେ ଏଭଳି ଏକ ବିରଳ ଜୀବ ଉଦ୍ଧାର କରାଯାଇଥିଲା। ଯାହାକୁ ଲୋକେ ଜଳପରୀ ବୋଲି କହିଥିଲେ। ତେବେ ଦର୍ଶକବନ୍ଧୁ ଆପଣ କହିଲେ ଆପଣଙ୍କର ଜଳପରିକୁ ନେଇ କଣ ମତ ରହିଛି । ଆପଣଙ୍କ ମତରେ ଜଳପରୀ ଅଛନ୍ତି ନା ନାହିଁ । ଚାଲନ୍ତୁ ଏ ବିଷୟରେ ଆଜି ଜାଣିବା ।
ଚଳଚ୍ଚିତ୍ର ଏବଂ କାହାଣୀରେ ଜଳପରୀ ବା Mermaid ବିଷୟରେ ଆପଣ ନିହାତି ଶୁଣିଥିବେ ଆଉ ଦେଖିଥିବେ ମଧ୍ୟ। କାର୍ଟୁନ୍ ଶୋଠୁ ନେଇ ଚଳଚ୍ଚିତ୍ରରେ ଯେଉଁଭଳି ଭାବେ ଜଳପରୀଙ୍କୁ ଶୋ କରାଯାଇଛି ତାକୁ ପିଲାମାନଙ୍କ ସହିତ ଅନେକ ବୟସ୍କମାନେ ଏହା ଉପରେ ବିଶ୍ୱାସ କରନ୍ତି। ହେଲେ ଜଳପରୀଙ୍କ ସତ୍ୟ କ’ଣ? ଆଜି ଆମେ ଆପଣଙ୍କୁ କହିବୁ ଜଳପରୀଙ୍କ ବିଷୟରେ ବିଜ୍ଞାନ କ’ଣ କହୁଛି ଏବଂ ଏହାର ସତ୍ୟତା କ’ଣ?
ଲୋକ ସୋସିଆଲ ମିଡ଼ିଆରେ ଜଳପରୀ ବିଷୟରେ ଅନେକ ସମୟରେ ପ୍ରଶ୍ନ ପଚାରନ୍ତି ଏବଂ ସାଧାରଣ ଲୋକମାନେ ଏହାର ଉତ୍ତର ଦିଅନ୍ତି। ନିକଟରେ ଜଣେ ସୋସିଆଲ ମିଡ଼ିଆ ୟୁଜର ପ୍ରଶ୍ନ ପଚାରିଥିଲେ ଯେ ଜଳପରୀ ପ୍ରକୃତରେ ଅଛନ୍ତି କି? ଯଦି ହଁ, ଏହାର ପ୍ରମାଣ କ’ଣ? ଏହି ପ୍ରଶ୍ନଟି ଅତ୍ୟନ୍ତ କୌତୁହଳପୂର୍ଣ୍ଣ ଥିଲା। ଲୋକମାନେ କ’ଣ ଉତ୍ତର ଦେଇଛନ୍ତି ଆସନ୍ତୁ ଜାଣିବା..
ସୋସିଆଲ ମିଡ଼ିଆରେ ଜଣେ ଉପଭୋକ୍ତା କହିଛନ୍ତି ଯେ ଆଜି ମଧ୍ୟ ଜଳପରୀ ଦୁନିଆ ପାଇଁ ଏକ ରହସ୍ୟ, କିନ୍ତୁ ଅନେକ ଲୋକ ଅଛନ୍ତି ଯେଉଁମାନେ ଜଳପରୀ ଦେଖିଥିବାର ଦାବି କରିଛନ୍ତି। ସେମାନଙ୍କ ମୃତଦେହ ଏବଂ ମୃତଦେହର ଫଟୋ ମଧ୍ୟ ଭାଇରାଲ ହୋଇଛି। ଯଦିଓ ଏହି ଫଟୋଗୁଡ଼ିକ କେତେ ସତ୍ୟ ତାହା ଦାବି କରାଯାଇପାରିବ ନାହିଁ, ଏହା ନିଶ୍ଚିତ ଭାବରେ ବିଶ୍ବାସ କରାଯାଏ ଯେ ପୃଥିବୀରେ ଜଳପରୀ ବିଦ୍ୟମାନ।
ଜଳପରୀ ପ୍ରକୃତରେ ବିଦ୍ୟମାନ କି? ଆମେରିକାର ଜାତୀୟ ମହାସାଗର ସେବା ଏବଂ ବିଜ୍ଞାନ ସହିତ ଜଡିତ ଲାଇଭ ସାଇନ୍ସ ୱେବସାଇଟ୍ ଅନୁଯାୟୀ, ବିଶ୍ବରେ ଏପର୍ଯ୍ୟନ୍ତ କୌଣସି ପ୍ରମାଣ ମିଳି ନାହିଁ ଯେ ବାସ୍ତବରେ ଜଳପରୀ ପୃଥିବୀରେ ଅଛନ୍ତି କି ନାହିଁ। ଗ୍ରୀକ୍ ସାହିତ୍ୟରେ ଜଳପରୀ ବିଷୟରେ ଉଲ୍ଲେଖ କରାଯାଇଛି। ସିରିଆରେ ମଧ୍ୟ ଏକ କାହାଣୀ ଲୋକପ୍ରିୟ। କାହାଣୀଟି ଏକ ସିରିଆ ଦେବୀଙ୍କ ବିଷୟରେ କହୁଯାଏ ଯେ ନଦୀ ପଡ଼ି ଏକ ମାଛରେ ପରିଣତ ହୁଅନ୍ତି, ଯାହାକୁ ଜଳପରୀର ଆଖ୍ୟ ଦିଆଯାଇଛି।
ଖାଲି ଏତିକି ନୁହେଁ ଅନେକ ଥର ସୋସିଆଲ ମିଡ଼ିଆରେ ମଧ୍ୟ ଜଳପରୀଙ୍କ କଙ୍କାଳ ଏବଂ ପୁରୁଣା ଫଟୋ ଖୁବ୍ ଭାଇରାଲ ହୋଇଥିବାର ଆମେ ଦେଖିଛେ। ହେଲେ ଏଥିରେ କେତେ ସତ ରହିଛି କେହି ବି ଜାଣିନାହାଁନ୍ତି। ପ୍ରକାଶ ଥାଉକି ନିକଟରେ ପପୁଆ ନ୍ୟୁ ଗିନିରେ ଏଭଳି ଏକ ବିରଳ ପ୍ରଜାତିର ଜୀବ ଉଦ୍ଧାର ହୋଇଥିଲା। ଧଳା ରଙ୍ଗର ବିଶାଳ ଆକାରରେ ଏକ ମୃତ ଜୀବକୁ ଉଦ୍ଧାର କରାଯାଇଥିଲା।
ତେବେ ଏହାର ଗଢଣୀ ସମ୍ପୂର୍ଣ୍ଣ ରୂପରେ ଜଳପରୀ ଭଳି ଥିଲା। ତେବେ ଏହାର ଶରୀରର ଉପରି ଭାଗ ମଣିଷ ଭଳି ନ ହୋଇଥିଲେ ମଧ୍ୟ ଲାଞ୍ଜ ବିଲକୁଲ ଏକ ଜଳପରୀ ସଦୃଶ ହୋଇଥିଲା।ଯେଉଁ ଜଳପରୀ ବିଷୟରେ ବିଭିନ୍ନ ବହି ଏବଂ କାହାଣୀରେ ବର୍ଣ୍ଣନା କରାଯାଇଥାଏ। ଏଭଳି ଏକ ଅଦ୍ଭୁତ ଜୀବର ଫଟୋ ଫେସବୁକରେ ଅପଲୋଡ ହେବା ପରେ ଏହା ଖୁବ ଭାଇରାଲ ହୋଇଥିଲା। ଦେଖଣାହାରୀଙ୍କ ସମେତ ବର୍ତ୍ତମାନ ସୋସିଆଲ ମିଡିଆ ୟୁଜର ମଧ୍ୟ ଏହାକୁ ଜଳପରୀ ବୋଲି କହୁଛନ୍ତି। ତେବେ ଫେସବୁକରେ ଫଟୋ ସେୟାର ହେବା ପରେ ଅନେକ ୟୁଜର ଏହାକୁ ଜଳପରୀ କହିଥିବା ବେଳେ କିଛି ୟୁଜର ଏହାକୁ ଦ୍ୱୈତ୍ୟ ଏବଂ କିଛି ଲୋକ ଏଲିୟନ ବୋଲି କହିଛନ୍ତି।
