ଜାପାନ ରାଜଧାନୀ ଟୋକିଓରେ ଚାଲିଥିବା ଅଲିମ୍ପିକରେ ଏଯାବତ ଭାରତକୁ ଗୋଟିଏ ସିଲଭର ମେଡାଲ ମିଳିଛି । ୱେଟ ଲିଫ୍ଟଇଙ୍ଗରେ ମଣିପୁର ଝିଅ ସାଇଖୋମ ମୀରାବାଈ ଚାନୁ ଏହି ପଦକ ହାସଲ କରି ଦେଶ ପାଇଁ ଗୌରବ ଆଣିଛନ୍ତି । ଆଉ ନିଜ ମାଟିକୁ ଫେରିବା ପରେ ଭବ୍ୟ ତରିକାରେ ମୀରାଙ୍କ ସ୍ୱାଗତ ମଧ୍ୟ କରାଯାଇଛି । ଛୋଟରୁ ବଡ ସମସ୍ତ ସମସ୍ତଙ୍କ ପାଟିରେ ଏବେ ଯେମିତି କେବଳ ମୀରାଙ୍କ ନାଁ । ଶିଶୁଙ୍କ ଠାରୁ ଆରମ୍ଭ କରି ଯୁବପିଢ଼ି ସମସ୍ତେ ଜଣେ ଜଣେ ମୀରାବାଈ ହେବାକୁ ସ୍ବପ୍ନ ଦେଖୁଛନ୍ତି । ଖାଲିଯେ ସ୍ବପ୍ନ ଦେଖୁନାହାନ୍ତି ସେ ନେଇ ଚେଷ୍ଟା ମଧ୍ୟ ଆରମ୍ଭ କରିଦେଲେଣି । ଏନେଇ ଏକ ଭିଡିଓ ଏବେ ସୋସିଆଲ ମିଡ଼ିଆରେ ଖୁବ ଭାଇରାଲ ହେବାରେ ଲାଗିଛି ।
Junior @mirabai_chanu this s called the inspiration pic.twitter.com/GKZjQLHhtQ
— sathish sivalingam weightlifter (@imsathisholy) July 26, 2021
ଭିଡିଓଟିକୁ ଦେଖିଲେ ଆପଣ ଜାଣିପାରିବେଯେ ଏକ ଛୋଟ ଝିଅ ଟିଭି ଦେଖି ଦେଖି ୱେଟଲିଫଟିଙ୍ଗ କରିବାକୁ ଚେଷ୍ଟା କରୁଛି । ପୁରା ମୀରାଙ୍କୁ ନକଲ କରିଦେଉଛି ଛୋଟ ଝିଅଟି । ସେ ସମୟରେ ଟିଭିରେ ଅଲିମ୍ପିକରେ ସିଲଭର ମେଡାଲ ପାଇଁ ମୀରାଙ୍କ ପ୍ରୟାସ ଦୃଶ୍ୟମାନ ହେଉଥିଲା । ତୁଲସୀ ଦୁଇ ପତ୍ରରୁ ବାସିବା ପରି ଝିଅଟିର ହାବଭାବରୁ ହିଁ ଜଣାପଡୁଛି ଭବିଷ୍ୟତରେ ସେ ନିଜକୁ ମୀରାଙ୍କ ସ୍ଥାନରେ ଦେଖିବାକୁ ଚାହୁଁଛି । ଦେଶ ପାଇଁ ପଦକ ଜିତିବା ତାର ଯେମିତି ଏକ ମାତ୍ର ସ୍ବପ୍ନ ।
ଭିଡିଓଟିକୁ ସତୀଶ ଶିବଲିଙ୍ଗମ ନାମକ ଜଣେ ଭାରତ୍ତୋଳନକାରୀ ସେୟାର କରିଥିବା ବେଳେ ଏହାର କ୍ୟାପ୍ସନରେ ସେ ଲେଖିଥିଲେ “ଇଏ ହେଉଛନ୍ତି ଜୁନିୟର ମୀରାବାଇ ଚାନୁ, ଏହାକୁ ହିଁ କୁହାଯାଏ ଈଂସ୍ପିରେସନ” । ଭିଡିଓ ଟିକୁ ଏଯାବତ ୬ଲକ୍ଷରୁ ଅଧିକ ଜଣ ଦେଖିସାରିଥିବା ବେଳେ ୫୦ ହଜାରରୁ ଅଧିକ ଥର ଲାଇକ କରାଯାଇଛି ।