ବିକାଶର ବିନ୍ଧାଣୀ ହେଉଛନ୍ତି ଶ୍ରମିକ, ଆଜି ପାଳନ ହେଉଛି ଆନ୍ତର୍ଜାତୀୟ ଲେବର ଡେ
ଆଜି ଆନ୍ତର୍ଜାତୀୟ ଶ୍ରମିକ ଦିବସ । ମେ’ ୧ ତାରଖକୁ ଆନ୍ତର୍ଜାତୀୟ ଶ୍ରମିକ ଦିବସ ଭାବେ ପାଳନ କରାଯାଏ । ଆଜି ସାରା ବିଶ୍ୱରେ ଶ୍ରମିକ ଦିବସ ପାଳନ କରାଯାଉଛି। ଶ୍ରମଜିବୀମାନଙ୍କର ଅଧିକାର ସମ୍ପର୍କରେ ଜନ ସଚେତନ ସୃଷ୍ଟି କରିବା ସହ ସମାଜ ପ୍ରତି ସେମାନଙ୍କ ଅବଦାନ ବିଷୟରେ ଅବଗତ କରିବା ଉଦ୍ଦେଶ୍ୟରେ ଆଜି ସବୁଠି ଶ୍ରମିକ ଦିବସ ପାଳନ କରାଯାଉଛି ।
ଆଜି ଆନ୍ତର୍ଜାତୀୟ ଶ୍ରମିକ ଦିବସ । ମେ’ ୧ ତାରଖକୁ ଆନ୍ତର୍ଜାତୀୟ ଶ୍ରମିକ ଦିବସ ଭାବେ ପାଳନ କରାଯାଏ । ଆଜି ସାରା ବିଶ୍ୱରେ ଶ୍ରମିକ ଦିବସ ପାଳନ କରାଯାଉଛି। ଶ୍ରମଜିବୀମାନଙ୍କର ଅଧିକାର ସମ୍ପର୍କରେ ଜନ ସଚେତନ ସୃଷ୍ଟି କରିବା ସହ ସମାଜ ପ୍ରତି ସେମାନଙ୍କ ଅବଦାନ ବିଷୟରେ ଅବଗତ କରିବା ଉଦ୍ଦେଶ୍ୟରେ ଆଜି ସବୁଠି ଶ୍ରମିକ ଦିବସ ପାଳନ କରାଯାଉଛି ।
ପ୍ରତିବର୍ଷ ଆନ୍ତର୍ଜାତୀୟ ଶ୍ରମ ଦିବସର ଏକ ବିଶେଷ ଥିମ୍ ଥାଏ । ଚଳିତ ବର୍ଷର ଥିମ୍ ରହିଛି (ensuring safety and health at work in a changing climate) ଜଳବାୟୁ ପରିବର୍ତ୍ତନ ମଧ୍ୟରେ ଏହି ବର୍ଷର ବିଷୟବସ୍ତୁ କର୍ମକ୍ଷେତ୍ରର ସୁରକ୍ଷା ଏବଂ ସ୍ୱାସ୍ଥ୍ୟ ସୁନିଶ୍ଚିତ କରିବା । ଏହି ଥିମ୍ ମାଧ୍ୟମରେ ଶ୍ରମିକମାନଙ୍କ ସ୍ୱାସ୍ଥ୍ୟ ଏବଂ ନିରାପତ୍ତାକୁ ଗୁରୁତ୍ୱ ଦିଆଯାଇଛି।
ଆମେରିକାରୁ ଆରମ୍ଭ ହୋଇଥିଲା ଶ୍ରମିକ ଦିବସ । ଯୁକ୍ତରାଷ୍ଟ୍ରରେ ଉନବିଂଶ ଶତାବ୍ଦୀର ପ୍ରଚଳିତ ନିଷ୍ଠୁର ଶ୍ରମିକ ଆଇନ୍ ବିରୋଧରେ ଶ୍ରମିକମାନେ ସଂଗଠିତ ହେବା ଆରମ୍ଭ କରିଥିଲେ । ବିଶେଷ କରି ଦୈନିକ ୧୬ ଘଣ୍ଟା କାମ କରିବା ପରିବର୍ତ୍ତେ ୮ ଘଣ୍ଟାର ଏକ ସମୟସୀମା ଧାର୍ଯ୍ୟ କରିବା ପାଇଁ ସିକାଗୋ ସହରର ମା’ ମାର୍କେଟ୍ ଛକରେ ହଜାର ହଜାର ଶ୍ରମଜୀବି ୧୮୮୬ ମେ’ ୧ ତାରିଖରେ ବିକ୍ଷୋଭ ପ୍ରଦର୍ଶନ କରିବା ଆରମ୍ଭ କରିଥିଲେ । ଏହି ଆନ୍ଦୋଳନ ମାଧ୍ୟମରେ ଆମେରିକାର ଶ୍ରମିକମାନେ ସେମାନଙ୍କ ଦାବି ପାଇଁ ବିରୋଧ ଆରମ୍ଭ କରିଥିଲେ। ଆନ୍ଦୋଳନ ସମୟରେ ପୋଲିସ କର୍ମଚାରୀ ସେମାନଙ୍କ ଉପରକୁ ଗୁଳି ଚଳାଇଥିଲା । ଏହି ସମୟରେ ଅନେକ ଶ୍ରମିକ ପ୍ରାଣ ହରାଇଥିଲେ। ଏଥିରେ ଶତାଧିକ କର୍ମଚାରୀ ଆହତ ମଧ୍ୟ ହୋଇଥିଲେ ।
ଏହି ଘଟଣାର ତିନି ବର୍ଷ ପରେ, ଆନ୍ତର୍ଜାତୀୟ ସମାଜବାଦୀ ସମ୍ମିଳନୀ ୧୮୮୯ରେ ଭେଟିଲା । ଏହି ବୈଠକରେ ନିଷ୍ପତ୍ତି ନିଆଯାଇଛି ଯେ ପ୍ରତ୍ୟେକ ଶ୍ରମିକଙ୍କୁ ଦିନକୁ ମାତ୍ର ୮ ଘଣ୍ଟା କାମ କରିବାକୁ ପଡିବ। ଏଥି ସହିତ ସମ୍ମିଳନୀ ପରେ ୧ ମଇରେ ଶ୍ରମ ଦିବସ ପାଳନ କରିବାକୁ ନିଷ୍ପତ୍ତି ନିଆଗଲା । ଏହି ଦିନ ଶ୍ରମିକମାନଙ୍କୁ ପ୍ରତିବର୍ଷ ଛୁଟି ଦେବା ପାଇଁ ମଧ୍ୟ ନିଷ୍ପତ୍ତି ନିଆଯାଇଥିଲା।
