ବୁଗ୍ରି ମାତାଙ୍କ ମହିମା, ଗାଁରେ ଚୋର ପଶିଲେ ସୂଚନା ଦେଉଥିଲେ ମା’
ରାଜସ୍ଥାନର ନାଗୌର ଜିଲ୍ଲାରେ ଏକ ହଜାର ବର୍ଷ ପୂର୍ବେ ସତୀ ବା ବୁଗ୍ରି ମାତାଙ୍କ ପ୍ରତିମା ମାଟିରୁ ପ୍ରକଟ ହୋଇଥିଲା । ଯାହା ବର୍ତ୍ତମାନ ସମୟରେ ବୁଗରଡ଼ା ଗାଁର ନାଡି ପୋଖରୀ କୂଳରେ ଅବସ୍ଥିତ । ଗ୍ରାମବାସୀଙ୍କ କହିବା ଅନୁସାରେ ଏହି ପ୍ରତିମା କଥା ହେଉଥିଲା, କିନ୍ତୁ ପ୍ରାୟ ୨୦ ବର୍ଷ ହେବ ଏହି ପ୍ରତିମା କଥା କହିବା ବନ୍ଦ କରି ଦେଇଛି ।
ଆପଣ କେବେ ଶୁଣିଛନ୍ତି କି ମୂର୍ତ୍ତି କଥା ହେବାର, ଯଦି ଆପଣ ଏଭଳି ଘଟଣା ବିଷୟରେ ଜାଣି ନାହାଁନ୍ତି ତେବେ ଆଜି ଆମେ ଆପଣଙ୍କୁ କଥା କହୁଥିବା ମୂର୍ତ୍ତି ବିଷୟରେ ଜଣାଇବୁ । ଭଗବାନଙ୍କୁ ନେଇ ଲୋକଙ୍କ ମନରେ ଅନେକ ବିଶ୍ୱାସ ରହିଛି । ବେଳେବେଳେ ଏଭଳି କିଛି ଚମତ୍କାର ଘଟଣା ସାମ୍ନାକୁ ଆସେ ଯାହା ଲୋକଙ୍କୁ ଆଶ୍ଚର୍ଯ୍ୟ କରିଥାଏ । ଭଗବାନଙ୍କ ଶକ୍ତି ଆଗରେ ସବୁକିଛି ଫିକା ପଡ଼ିଯାଏ । ସେହିପରି ଭଗବାନ ନିଜ ଭକ୍ତଙ୍କୁ ବଞ୍ଚାଇବା ପାଇଁ ସବୁକିଛି କରିଥାନ୍ତି । ତେବେ ଆଜି ଆମେ ବୁଗ୍ରି ମାତାଙ୍କ ମହିମା ବିଷୟରେ ଜଣାଇବୁ । ଯେଉଁ ପ୍ରତିମା ଏକଦା କଥା କହୁଥିଲା ।
ରାଜସ୍ଥାନର ନାଗୌର ଜିଲ୍ଲାରେ ଏକ ହଜାର ବର୍ଷ ପୂର୍ବେ ସତୀ ବା ବୁଗ୍ରି ମାତାଙ୍କ ପ୍ରତିମା ମାଟିରୁ ପ୍ରକଟ ହୋଇଥିଲା । ଯାହା ବର୍ତ୍ତମାନ ସମୟରେ ବୁଗରଡ଼ା ଗାଁର ନାଡି ପୋଖରୀ କୂଳରେ ଅବସ୍ଥିତ । ଗ୍ରାମବାସୀଙ୍କ କହିବା ଅନୁସାରେ ଏହି ପ୍ରତିମା କଥା ହେଉଥିଲା, କିନ୍ତୁ ପ୍ରାୟ ୨୦ ବର୍ଷ ହେବ ଏହି ପ୍ରତିମା କଥା କହିବା ବନ୍ଦ କରି ଦେଇଛି ।
ଆପଣ ନିଶ୍ଚୟ ଶୁଣିଥିବେ ଯେ ଭଗବାନ ପୃଥିବୀର ପ୍ରତ୍ୟେକ କୋଣରେ ଅବସ୍ଥିତ । ଭଗବାନ ପୃଥିବୀରେ ରହିଥିବାର ସଂକେତ ମଧ୍ୟ ଦେଇଥାନ୍ତି । ଏପରି କିଛି ସଂକେତ ବୁଗରଡ଼ା ଗାଁରେ ଥିବା ମାତା ମଧ୍ୟ ଦେଉଥିଲେ । ବୁଗରଡ଼ା ଗାଁରେ ମାଟି ତଳୁ ବାହାରିଥିବା ବୁଗ୍ରି ମାତାଙ୍କ ମୂର୍ତ୍ତି କୌଣସି ଅଘଟଣ ଘଟିବା ପୂର୍ବରୁ ଗ୍ରାମବାସୀଙ୍କୁ ସୂଚନା ଦେଉଥିଲେ । ଏହି ଗାଁର ଜଣେ ଅଧିବାସୀ ହରିଶ କହିଛନ୍ତି ଯେ ଡକାୟତ ଓ ଚୋରମାନେ ଗାଁରେ ପ୍ରବେଶ କଲାବେଳେ ଏହି ମୂର୍ତ୍ତି ନିଜ ପାଟିରୁ କଥା ହେଉଥିଲା । ସେ କହିଛନ୍ତି ଯେ ଗାଁରେ ରହୁଥିବା ପ୍ରତ୍ୟେକ ବ୍ୟକ୍ତି, ଚୋର ଏବଂ ଡକାୟତ ପ୍ରବେଶ କରିବା ସମୟରେ ମାଙ୍କୁ ଡାକନ୍ତି। ଯେଉଁଥିପାଇଁ ପୁରା ଗାଁ ସତର୍କ ହୋଇ ଯାଉଥିଲା ।
ତେବେ ଏହା ପଛରେ କଣ ରହସ୍ୟ ଅଛି ଆସନ୍ତୁ ଜାଣିବା । ବର୍ତ୍ତମାନ ସେବା ଅଭାବରୁ ମାଙ୍କ ମୂର୍ତ୍ତିରୁ ଶବ୍ଦ ବାହାରିବା ବନ୍ଦ ହୋଇଯାଉଛି । କିନ୍ତୁ ଗ୍ରାମବାସୀଙ୍କ ପାଇଁ ଚମତ୍କାର କରିବା ବନ୍ଦ କରି ନାହାଁନ୍ତି ମା’। ହରିଶଙ୍କ କହିବା ଅନୁସାରେ ଯଦି କୌଣସି ବ୍ୟକ୍ତିର କୌଣସି ସମସ୍ୟା ଥାଏ, ତେବେ ମାଙ୍କ ପରିକ୍ରମା କରିବା ପରେ ଏହା ଭଲ ହୋଇଯାଏ । ଏଠାରେ ମା’ଙ୍କୁ ବୁଆରି ନାମକ ଏକ ଭୋଗ ଏବଂ ମଖାନା, ପ୍ରସାଦ ଭାବରେ ଅର୍ପଣ କରାଯାଏ । ମାଙ୍କ ମୂର୍ତ୍ତି ବିଷୟରେ କହିବାକୁ ଗଲେ ଏହା ଭୂମି ଭିତରେ ୬ ଫୁଟ ଏବଂ ଭୂମି ବାହାରେ ୬ ଫୁଟ ଦୃଶ୍ୟମାନ ହୁଏ । ମାଙ୍କ ଦର୍ଶନ ପାଇଁ ଦୂର ଦୂରରୁ ଭକ୍ତମାନେ ଏଠାକୁ ଆସିଥାନ୍ତି । ନିଜ ମନବାଞ୍ଛା ପୂରଣ ହୋଇଥାଏ ବୋଲି ଲୋକମାନେ ବିଶ୍ୱାସ କରନ୍ତି । ସୂଚନା ଥାଉ କି ଏଭଳି ଘଟଣା ଧାର୍ମିକ ବିଶ୍ୱାସ ସହିତ ଜଡିତ ଏବଂ ଏହି ସମସ୍ତ ତଥ୍ୟ ଗ୍ରାମବାସୀଙ୍କଠାରୁ ନିଆଯାଇଛି ।
