ନିକଟରେ ଜାପାନରେ ଏମିତି ଏକ ଘଟଣା ସାମ୍ନାକୁ ଆସିଛି, ଯାହାକି ଆପଣଙ୍କୁ ଆଶ୍ଚର୍ଯ୍ୟ କରିଦେବ। ଏଠାରେ ଆପଣ ତରଭୁଜ ବିକି ଏକ ଦାମୀ କାର କିଣିପାରିବେ। କଥାଟା ସହଜରେ ବିଶ୍ୱାସ ହେଉ ନ ଥିଲେ ବି ସତ। ଜାପାନରେ ଦୁଇ ତରଭୁଜ ଯୋଡ଼ିକୁ ୨୯,୩୦୦ ଡଲାରରେ କିଣାଯାଇଛି, ଯାହାକି ଭାରତୀୟ ଦାମ ଅନୁସାରେ ୧୯.୮୪ ଲକ୍ଷ ଟଙ୍କା।
ଆପଣ ଏତେଗୁଡ଼ିଏ ଟଙ୍କାରେ ଏକ ଲକଜୁରୀ କାର କିଣିପାରିବେ। ଭାରତରେ ଏକ ତରଭୁଜର ଦାମ ୫୦/୬୦ କିମ୍ଵା ଅତି ବେଶିରେ ୧୦୦ ଟଙ୍କା ହୋଇଥିବ। ହେଲେ ଜାପାନରେ ଗୋଟିଏ ତରଭୁଜର ଦାମ ୬ରୁ ୧୦ ହଜାର ଟଙ୍କା ହୋଇଥାଏ।
ଏଠାରେ ଚାଷୀମାନେ ତରଭୁଜକୁ ବିଭିନ୍ନ ଆକୃତି ଦେବା ପାଇଁ ଅଲଗା ଅଲଗା ଉପାୟ ଆପଣାଇଥାନ୍ତି। ଯଦି ତରଭୁଜ ଭଲ ଭାବେ ଆକୃତି ନେଇଯାଇଥାଏ, ତା’ହେଲେ ଚାଷୀ ତାହାକୁ ଖୁବ ମହଙ୍ଗା ଦାମରେ ବିକ୍ରି କରିଥାଏ।