ଉଦଯାପିତ ହେଲା ଜାତୀୟ ଆମନ୍ତ୍ରଣୀୟ କ୍ୟାରମ ଚାମ୍ପିଅନସିପ
କଟକ : ବାରବାଟୀ ଷ୍ଟାଡିୟମ ହର୍ଷ ଗେଟ ପରିସରରେ ଚାଲିଥିବା ଜାତୀୟ ଆମନ୍ତ୍ରଣୀୟ କ୍ୟାରମ ଚାମ୍ପିଅନସିପ ଉଦଯାପିତ । ପୁରୁଷ କ୍ୟାରମ ଫାଇନାଲରେ ରାଜସ୍ଥାନର ଫଜଲ ଅହମ୍ମଦ ମହାରାଷ୍ଟ୍ରର ଆମୋଲ ସାୱରେଦକରଙ୍କୁ ହରାଇ ଚାମ୍ପିଅନ ହୋଇଛନ୍ତି । ସେହିପରି ମହିଳା ବିଭାଗରେ ତନୁଜା ଚାମ୍ପିଅନ ହୋଇଥିବା ବେଳେ ଏମ ଏସ କେ ହରିକା ରନର ଅପ ହୋଇଥିଲେ । ଜୁନିଅର ବାଳକ ବର୍ଗରେ ମହାରାଷ୍ଟ୍ରର ସିଦ୍ଧାନ୍ତ ୱାଦୱାଲକର ଓ ଜୁନିଅର ବାଳିକା ବର୍ଗରେ ଆନ୍ଧ୍ରର ଏଲ ହରିପ୍ରିୟା ଚାମ୍ପିଅନ ଆଖ୍ୟା ଅର୍ଜନ କରିଛନ୍ତି । ପୁରସ୍କାର ବିତରଣୀ ଉତ୍ସବରେ ବିଶିଷ୍ଟ କ୍ରୀଡ଼ା ସଂଗଠକ ଆଶୀର୍ବାଦ ବେହେରା ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ୨୬ରୁ ୨୯ ତାରିଖ ପର୍ୟ୍ୟନ୍ତ ଚାଲିଥିବା ଏହି ଚାମ୍ପିଅନସିପ୍ରେ ବିଭିନ୍ନ ରାଜ୍ୟରୁ ୪ଶହରୁ ଅଧିକ ପ୍ରତିଯୋଗୀ ଅଂଶ ଗ୍ରହଣ କରିଥିଲେ ।
