କଟକ: କଟକରୁ ପୁଣି ବନ୍ଧୁକ ରାକେଟ ଠାବ, ୧୧ଟି ବନ୍ଧୁକ ସହ ୫୧ଟି ଗୁଳି ଜବତ
କେନ୍ୟୁଜ୍(ବ୍ୟୁରୋ): କଟକରୁ ପୁଣି ବନ୍ଧୁକ ରାକେଟ ଠାବ। ୧୧ଟି ବନ୍ଧୁକ ସହ ୫୧ଟି ଗୁଳି ଜବତ ହୋଇଛି । ଏହାସହ ୪ ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଡି ବ୍ରଦର୍ସ ସହାଯୋଗୀ ଟୁକୁନା ସ୍ୱାଇଁକୁ ଜେରା କରିବା ବେଳେ ଗୁରୁତ୍ୱପୂର୍ଣ୍ଣ ତଥ୍ୟ ସାମ୍ନାକୁ ଆସିଛି। ଡି ବ୍ରଦର୍ସ ଲିଙ୍କରେ ତାଲଚେରର ଟୁକୁନା ସ୍ୱାଇଁ ଗିରଫ ହୋଇଥିଲା ।
ବିହାର ମୁଙ୍ଗେରରୁ ବନ୍ଧୁକ କାରବାର କରୁଥିଲା ଟୂକୁନା । ତା ନାଁରେ ରହିଛି ୧୮ଟି କେସ୍ । ଅଧିକ ଜେରା ପାଇଁ ଟୁକୁନାକୁ ରେମାଣ୍ଡରେ ନେଇଛି କମିଶନରେଟ ପୋଲିସ । କଟକରେ ଗତ ୩ ମାସ ମଧ୍ୟରେ ୪୩ଟି ବନ୍ଧୁକ ଓ ୨୨୫ଟି ଗୁଳି ଜବତ କରାଯାଇଛି । ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ।
