ଖୋର୍ଦ୍ଧା: ସଟ୍ଡାଉନ୍ ବେଳେ ପକ୍ଷୀ ଶିକାର, ଚିଲିକାରୁ ୭ଟି ମୃତ ବିଦେଶାଗତ ପକ୍ଷୀ ଜବତ ସହ ଜଣେ ଶିକାରୀ ଗିରଫ
କେନ୍ୟୁଜ୍(ବ୍ୟୁରୋ): ସଟ୍ଡାଉନ୍ ବେଳେ ପକ୍ଷୀ ଶିକାର । ଚିଲିକାରୁ ୭ଟି ମୃତ ବିଦେଶାଗତ ପକ୍ଷୀ ଜବତ ସହ ଜଣେ ଶିକାରୀ ଗିରଫ । ଅଭିଯୁକ୍ତ ହେଲେ ଗୋପାଳ ସାହୁ । ବିଶେଷ ସୁତ୍ରରୁ ଖବର ପାଇ ଖୋର୍ଦ୍ଧା ଭୁଷଣ୍ଡପୁର ବିଧାରପୁର ନିକଟରେ ଟାଙ୍ଗୀ ପ୍ରାଣି ବିଭାଗର ଏକ ଟିମ୍ ଚଢଉ କରି ଅଭିଯୁକ୍ତକୁ ଗିରଫ କରିଛି ।
ସଟ୍ ଡାଉନ ଲକ ଡାଉନ ଯୋଗୁ୍ ଲୋକେ ଘରେ ରହୁଛନ୍ତି । ଏହି ସମୟରେ ପୋଲିସ୍ ପ୍ରଶାସନର ଧ୍ୟ୍ୟାନ କୋରୋନା କଟକଣା ଉପରେ ରହୁଥିବା ବେଳେ ଏହାର ସୁଯୋଗ ନେଉଛନ୍ତି ପକ୍ଷୀ ଶୀକାରୀ । ଚିଲିକାରେ ଅବାଧରେ କରୁଛନ୍ତି ପକ୍ଷୀ ଶୀକାର ।
ଗତ କିଛି ଦିନ ହେଲା ପକ୍ଷୀ ଶିକାରୀ ଗୋପାଳ ସାହୁ ଚିଲିକାରେ ଚଳାଇ ଆସିଥିଲା ପକ୍ଷୀ ଶୀକାରର ସାମ୍ରାଜ୍ୟ । ପକ୍ଷୀ ଶୀକାର କରି ତାର ମାଂସକୁ ଚଢା ଦରରେ ବିକ୍ରି କରୁଥିଲା। କେବଳ ସେତିକି ନୁହେଁ ସ୍ଥାନୀୟ ଅଞ୍ଚଳରେ ଥିବା ଢ଼ାବା, ହୋଟେଲ ଓ ପ୍ରଭାବଶାଳୀ ବ୍ୟକ୍ତିମାନଙ୍କୁ ଏହି ଚଢେଇ ମାଂସ ବିକ୍ରି କରେ । ଗିରଫ ଶୀକାରୀକୁ ଆଜି ବିଚାର ବିଭାଗୀୟ ଅଦାଲତରେ ହାଜର କରାଯିବା ପାଇଁ ପ୍ରକ୍ରିୟା ଆରମ୍ଭ କରିଛି ବୋଲି ଟାଙ୍ଗୀ ବନ୍ୟପ୍ରାଣୀ ରେଞ୍ଜର ସୁଶ୍ରୀ ଚୂଡ଼ାମଣି ମୂର୍ମୁ ସୂଚନା ଦେଇଛନ୍ତି ।
