ଯାଜପୁର: ସାନ ବଜାରରେ ଅଭାବନୀୟ ଘଟଣା, ବିବାହ ଭୋଜି ଖାଇବାକୁ ଆସି ଚାଲିଗଲା ଜୀବନ
ଯାଜପୁର ଟାଉନ(କେନ୍ୟୁଜ୍): ବିବାହ ଭୋଜି ଖାଇବାକୁ ଆସି ଚାଲିଗଲା ଜୀବନ । ଯାଜପୁର ସାନ ବଜାରରେ ଘଟିଛି ଏହି ଅଭାବନୀୟ ଘଟଣା । ମୃତ ଯୁବକ ହେଲେ ମଂଗଳପୁର ଥାନା ବରେଇ ଗାଁର ଚନ୍ଦନ ମିଶ୍ର । ଚନ୍ଦନ ନିଜ ମାମୁଁ ପୁଅର ବିବାହ ଭୋଜିରେ ସାମିଲ ହୋଇ ଆସିଥିବା ବେଳେ ହଠାତ୍ ଅସୁସ୍ଥ ହୋଇପଡିଥିଲେ ।ତାଙ୍କୁ ଗୁରୁତର ଅବସ୍ଥାରେ ଯାଜପୁର ମୁଖ୍ୟ ଡାକ୍ତରଖାନାରେ ଭର୍ତି କରାଯାଇଥିଲା । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।
