ଅନୁଗୁଳ: ଆଠମଲ୍ଲିକ ଟୁସର ଓରଡା କେରାଣ୍ଡି ନାଳରୁ ଅଚିହ୍ନା ଯୁବତୀଙ୍କ ମୃତ ଦେହ ଉଦ୍ଧାର, ଗଳା କାଟି ହତ୍ୟା କରାଯାଇଥିବା ସନ୍ଦେହ
କଟକ(କେନ୍ୟୁଜ୍): ଅନୁଗୁଳ ଜିଲ୍ଲା ଆଠମଲ୍ଲିକ ବ୍ଲକ ଅନ୍ତର୍ଗତ ଟୁସର ପଞ୍ଚାୟତ ଓରଡା କେରାଣ୍ଡି ନାଳରେ ଆଜି ଏକ ଅଚିହ୍ନା ଯୁବତୀଙ୍କ ମୃତ ଦେହ ଦେଖିବାକୁ ମିଳିଛି I ସ୍ଥାନୀୟ ଲୋକ ଏହା ଦେଖିବା ପରେ କିଆକଟା ଥାନାକୁ ଖବର ଦେଇଥିଲେ I ଖବର ପାଇ କିଆକଟା ଥାନା IIC ଅନାମ ଲାକ୍ରା ଓ ASI ସଞ୍ଜୟ ବେହେରା ଘଟଣା ସ୍ଥଳରେ ପହଞ୍ଚି ଶବକୁ ଉଦ୍ଧାର କରିବା ସହ ତଦନ୍ତ ତଦନ୍ତ ଆରମ୍ଭ କରିଛନ୍ତି I
ତେବେ ଯୁବତୀଙ୍କ ଗଳାକୁ ଧାରୁଆ ଅସ୍ତ୍ରରେ କଟା ଯାଇଥିବାର ଦେଖିବାକୁ ମିଳିଛି I ଯୁବତୀର ଶବଟି ଉପର ମୁଣ୍ଡରୁ ପାଣିରେ ଭାସି ଆସିଥିବା ପୋଲିସ ସନ୍ଦେହ କରୁଛି । ଝିଅଟିର ବୟସ ପ୍ରାୟ ୨୦ ବର୍ଷ ହେବ ବୋଲି ଜଣା ପଡୁଛି । ପୋଲିସ ଶବକୁ ଉଦ୍ଧାର କରି ବ୍ୟବଛେଦ ପାଇଁ ପଠାଇଥିବା ଜଣା ପଡିଛି।
