ସମ୍ବଲପୁରରେ ଅଘଟଣ, ସ୍କୁଟି ରଖି ମହାନଦୀକୁ ଡେଇଁଲେ ଯୁବତୀ
ପୁଣି ସମ୍ବଲପୁର ଚାଉଁରପୁର ବ୍ରିଜ ଉପରୁ ଡେଇଁ ଜଣେ ଯୁବତୀ ନିଖୋଜ। ତାଙ୍କ ପରିଚୟ ମିଳିନଥିବା ବେଳେ ବ୍ରିଜ ଉପରେ ସେ ଛାଡିଯାଇଥିବା ସ୍କୁଟିକୁ ଓ ଚପଲକୁ ନେଇ ଛାନଭିନ୍ କରୁଛି ପୋଲିସ ।
ସମ୍ବଲପୁର (କେନ୍ୟୁଜ): ପୁଣି ମହାନଦୀର ଦ୍ୱିତୀୟ ସେତୁ ଜଣେ ଯୁବତୀ ଡେଇଁ ନିଖୋଜ। ସମ୍ବଲପୁର ଚାଉଁରପୁର ବ୍ରିଜ ଉପରୁ ଡେଇଁ ଜଣେ ଯୁବତୀ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ତାଙ୍କ ପରିଚୟ ମିଳିନଥିବା ବେଳେ ବ୍ରିଜ ଉପରେ ସେ ଛାଡିଯାଇଥିବା ସ୍କୁଟି ଓ ଚପଲକୁ ନେଇ ଛାନଭିନ୍ କରୁଛି ପୋଲିସ ।
ଖବର ଅନୁଯାୟୀ, ଆଜି ପ୍ରାୟ ୧୧.୩୦ ମିନିଟରେ ଚାଉଁରପୁର ବ୍ରିଜ୍ ଉପରେ ଜଣେ ବ୍ୟକ୍ତି ହଠାତ୍ ସ୍କୁଟି ରଖି ମହାନଦୀକୁ ଡେଇଁ ପଡିଛନ୍ତି । କାହିଁକି ନଦୀକୁ ଡେଇଁଛନ୍ତି ସେନେଇ କିଛି ସ୍ପଷ୍ଟ ସୂଚନା ମିଳିନାହିଁ । ତେବେ ନଦୀକୁ ଡେଇଁବା ଖବର ପାଇ ଅଗ୍ନିଶମ ବାହିନୀ ଓ ପୋଲିସକୁ ତୁରନ୍ତ ଖବର ଦେଇଥିଲେ ସ୍ଥାନୀୟଲୋକେ । ଏହାପରେ ଆରମ୍ଭ ହୋଇଥିଲା ସର୍ଚ୍ଚ ଅପରେସନ । ହେଲେ ଏବେ ଯାଏଁ ତାଙ୍କର କୌଣସି ପତ୍ତା ମିଳିନାହିଁ ।