କେନ୍ୟୁଜ ବ୍ୟୁରୋ : କରୋନା ଆକ୍ରାନ୍ତ ଶିଶୁକୁ ଏକ୍ସପାୟାରୀ ଔଷଧ । ଔଷଧ ଖାଇବା ପରେ ଅସୁସ୍ଥ ଶିଶୁ । ଏଭଳି ଘଟଣା ଘଟିଛି ବରଗଡ ପଦ୍ମପୁର ଉପଖଣ୍ଡ କମଳାପଦର ଗାଁରେ । କରୋନା ପଜିଟିଭ ଆସିବା ପରେ ପଦ୍ମପୁର ଉପଖଣ୍ଡ ଚିକିତ୍ସାଳୟରେ ଥିବା ନିରାମୟ କେନ୍ଦ୍ରରୁ ଔଷଧ କିଣିଥିଲେ ଏକ ପରିବାର ।
ତେବେ ଦୁଇ ମାସର ଶିଶୁକୁ ଦିଆଯାଇଥିବା ଦୁଇଟି ଔଷଧ ମଧ୍ୟରୁ ଗୋଟିଏ ଔଷଧ ଏକ୍ସପାୟାରୀ ହୋଇଯାଇଥିବା ଅଭିଯୋଗ ହୋଇଛି । ଏହି ଔଷଧର ଏକ୍ସପାୟାରୀ ତାରିଖ ଥିଲା ଅକ୍ଟୋବର ୨୦୨୦ । ଏହି ଔଷଧ ଖାଇବା ପରେ ଶିଶୁଟି ଝାଡା ହୋଇଥିବା ସୂଚନା ମିଳିଛି ।