ଶ୍ରାବଣୀ ମଲ୍ଲିକ ଆତ୍ମହତ୍ୟା ଭିଡିଓ ଭାଇରାଲ ମାମଲା: ୩୦୬ ଧାରାରେ ମାମଲା ରୁଜୁ କରି ତଦନ୍ତ ଚଳାଇଛି ପୋଲିସ୍
ଏକାଧିକ ଲୋକଙ୍କୁ ପଚରାଉଚୁରା
କୋରାପୁଟ: କୋରାପୁଟ ସୁନାବେଡା ଶ୍ରାବଣୀ ମଲ୍ଲିକ ଆତ୍ମହତ୍ୟା ପରେ ଭିଡିଓ ଭାଇରଲ ମାମଲାର ତଦନ୍ତ ଆରମ୍ଭ । ଏକାଧିକ ଲୋକଙ୍କୁ ପଚରାଉଚୁରା କରୁଛି ସୁନାବେଡା ପୋଲିସ । ୩୦୬ ଧାରାରେ ମାମଲା ରୁଜୁ କରି ତଦନ୍ତ ଚଳାଇଛି ପୋଲିସ ।
ଆତ୍ମହତ୍ୟା ପୂର୍ବରୁ ସେ କିଛି ଲୋକଙ୍କ ନାମ ନେଇ ଗୁରୁତର ଅଭିଯୋଗ କରିବା ଭିଡିଓ ଭାଇରାଲ ହୋଇଛି । ତେବେ ମାନସିକ ଚାପ ଗ୍ରସ୍ତ ଓ ଧମକ ଦେବାଦ୍ଵାରା ଭଉଣୀ ଆତ୍ମହତ୍ୟା କରିଥିବା ନେଇ ଏତଲା ଦେଇଛନ୍ତି ମୃତ ଶ୍ରାବଣୀଙ୍କ ଭାଇ । ତେବେ ଶ୍ରାବଣୀଙ୍କ ସ୍ୱାମୀ ଏକ ଚିଟ୍ ଫଣ୍ଡ କରିଥିବା ବେଳେ ଏଥିରେ ବହୁ ଲୋକଙ୍କର ଲକ୍ଷଲକ୍ଷ ଟଙ୍କା ବକେୟା ରହିଛି। ତାଙ୍କ ମୃତ୍ୟୁ ପରେ ତୁରନ୍ତ ଟଙ୍କା ଫେରାଇବାକୁ ଶ୍ରାବଣୀଙ୍କ ଉପରେ ଚାପ ପକାଇବା ସହ ଧମକାଉଥିବା ସେ ଭିଡିଓରେ କହିଛନ୍ତି।