ବ୍ରହ୍ମପୁର : ଭିଜିଲାନ୍ସ ଜାଲରେ DFO ଆଶିଷ କୁମାର ବେହେରା
ବ୍ରହ୍ମପୁର(କେନ୍ୟୁଜ୍): ବ୍ରହ୍ମପୁର DFO ଆଶିଷ କୁମାର ବେହେରା ଗିରଫ । ଆୟବହିର୍ଭୂତ ସଂପତ୍ତି ଠୁଳ ଅଭିଯୋଗରେ ତାଙ୍କୁ ଗିରଫ କରିଛି ଭିଜିଲାନ୍ସ । ଆଶିଷଙ୍କ ଘର ଓ ଅଫିସ ସମେତ ୯ଟି ସ୍ଥାନରେ ଚଢାଉ ବେଳେ ମୋଟ ୨ କୋଟି ୧୯ଲକ୍ଷ ୩୭ ହଜାର ୧୬୫ ଟଙ୍କାର ସ୍ଥାବର ଓ ଅସ୍ଥାବର ସଂପତ୍ତି ଠାବ ହୋଇଛି । ତାଙ୍କର ଭୁବନେଶ୍ୱରରେ ଏକ ୩ ବିଏଚକେ ଆପାର୍ଟମେଣ୍ଟ, ଭୁବନେଶ୍ୱର, ବ୍ରହ୍ମପୁର ଓ ଭଂଜନଗରରେ ୪ଟି ପ୍ଲଟ, ଗୋଟିଏ ହ୍ୟୁଣ୍ଡାଇ ଗ୍ରାଣ୍ଡ ଆଇ ଟେନ ସମେତ ପ୍ରାୟ ୧୩ ଲକ୍ଷ ଟଙ୍କା ମୂଲ୍ୟର ସୁନା ରୂପା ଅଳଙ୍କାର ରହିଛି । ସରକାରୀ ବାବୁଙ୍କୁ ଭିଜିଲାନ୍ସ ଗିରଫ କରିବା କିଛି ନୂଆ କଥା ନୁହଁ । ଆୟବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଏପରି ଅନେକ ସରକାରୀ ବାବୁ ଗିରଫ ହେଉଛନ୍ତି । ଜେଲରୁ ଫେରିବା ପରେ ପୁଣି ସେହିପରି କାମରେ ଲିପ୍ତ ରହୁଛନ୍ତି ।
