ଅଧୁରା ରହିଗଲା କୋହଲିଙ୍କ ସ୍ୱପ୍ନ, ୪ୱିକେଟରେ RCBକୁ ହରାଇ କ୍ୱାଲିଫାୟର ୨ରେ ରାଜସ୍ଥାନ ରୟାଲ୍ସ
କ୍ୱାଲିଫାୟର ୨ରେ ରାଜସ୍ଥାନ । ଲଗାତାର ୬ଟି ମ୍ୟାଚ ଜିତି ପ୍ଲେଅଫକୁ ଆସିଥିବା ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରୁ ଆଇପିଏଲରୁ ଏଲିମିନେଟ ହୋଇଛି । ନରେନ୍ଦ୍ର ମୋଦି ଷ୍ଟାଡିୟମରେ ରାଜସ୍ଥାନ ରୟାଲ୍ସ ୪ୱିକେଟରେ ବେଙ୍ଗାଳୁରୁକୁ ହରାଇ କ୍ୱାଲିଫାୟର ୨ରେ ପହଞ୍ଚିଛି । ତା ସହ ଚାରି ମ୍ୟାଚ୍ ପରାଜୟ ଧାରାରେ ବ୍ରେକ୍ ଲଗାଇଛି। ଫଳରେ ଆର୍ସିବି ଓ ବିରାଟ କୋହଲିଙ୍କ ଆଇପିଏଲ୍ ଟ୍ରଫି ଜିତିବା ସ୍ବପ୍ନ ପୁଣି ଥରେ ଅଧୁରା ରହିଯାଇଛି।
ହାରିଲା ଦଳ ଭାଙ୍ଗିଲା ସ୍ବପ୍ନ । ବିରାଟ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ଗତକାଲି ରାଜସ୍ଥାନ ରୟାଲସ ଠାରୁ ହାରି ଯାଇଛି । ବିଜୟୀ ହୋଇ କ୍ୱାଲିଫାୟର ୨ରେ ପହଞ୍ଚିଛି ରାଜସ୍ଥାନ । ଲଗାତାର ୬ଟି ମ୍ୟାଚ ଜିତି ପ୍ଲେଅଫକୁ ଆସିଥିବା ରୟାଲ ଚ୍ୟାଲେଞ୍ଜର୍ସ ବେଙ୍ଗାଳୁରୁ ଆଇପିଏଲରୁ ବିଦା ହୋଇଛି । ଆଉ ପୁଣି ଥରେ ଟ୍ରଫି ଜିତିବାର ସ୍ବପ୍ନ ଧୂଳିସାତ୍ ହୋଇଛି । ଅହମଦାବାଦ ନରେନ୍ଦ୍ର ମୋଦି ଷ୍ଟାଡିୟମରେ ରାଜସ୍ଥାନ ରୟାଲ୍ସ ୪ୱିକେଟରେ ବେଙ୍ଗାଳୁରୁକୁ ହରାଇ କ୍ୱାଲିଫାୟର ୨ରେ ପହଞ୍ଚିଛି ।
ଆରସିବି ପକ୍ଷରୁ ୧୭୩ ରନର ଲକ୍ଷ୍ୟ ଦିଆଯାଇଥିଲା । ତେବେ ଏହାକୁ ଗୋଟିଏ ଓଭର ପୂର୍ବରୁ ହାସଲ କରିଥିଲା ରାଜସ୍ଥାନ । ଆସନ୍ତାକାଲି ଚେନ୍ନାଇରେ ହେବାକୁ ଥିବା ଦ୍ୱିତୀୟ କ୍ବାଲିଫାୟରରେ ରାଜସ୍ଥାନର ମୁକାବିଲା ସନରାଇଜର୍ସ ହାଇଦ୍ରାବାଦ ସହିତ ହେବ । ଏହି ମ୍ୟାଚର ବିଜେତା ଦଳ ରବିବାର ଫାଇନାଲରେ କୋଲକାତା ନାଇଟ ରାଇଡର୍ସକୁ ଭେଟିବ ।
