ଭବାନୀପାଟଣା : କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ଭବାନୀପଟଣା ସାପ୍ତାହିକ ହାଟକୁ ଅନିର୍ଦ୍ଦିଷ୍ଟ କାଳ ପାଇଁ ବନ୍ଦ କରାଯାଇଛି । ମଙ୍ଗଳବାର ଓ ଶନିବାର ଜିଲ୍ଲା ସଦର ମହକୁମା ହାଟରେ ପ୍ରବଳ ଜନସମାଗମ ହୋଇଥାଏ ।
ଜନସାଧାରଣଙ୍କ ସମାଗମ ଏବଂ ଜିଲ୍ଲା ତଥା ରାଜ୍ୟ ବାହାରୁ ବ୍ୟବସାୟୀଙ୍କ ଆଗମନକୁ ରୋକିବାକୁ ଜିଲ୍ଲା ପ୍ରଶାସନ ଏହି ନିଷ୍ପତ୍ତି ନେଇଛି । ଗତକାଲିଠୁ ଜିଲ୍ଲାରେ ନାଇଟ୍ କର୍ଫ୍ୟୁ ଆରମ୍ଭ ହୋଇଛି । ଛତିଶଗଡ଼ ଓ କଳାହାଣ୍ଡି ସୀମାନ୍ତରେ ଚେକିଂକୁ କଡ଼ାକଡି କରାଯାଇଛି ।