ମୟୁରଭଞ୍ଜ: ଟ୍ରକ ଧକ୍କାରେ ୨୦ଫୁଟ ତଳକୁ ଖସିଲା ବାଇକ, ରକ୍ଷା ପାଇଗଲେ ମା ଓ ପୁଅ
ରାଇରଙ୍ଗପୁର (କେନ୍ୟୁଜ) : ଟ୍ରକ ଧକ୍କାରେ ୨୦ଫୁଟ ତଳକୁ ଖସିଲା ବାଇକ । ଅଳ୍ପକେ ବର୍ତିଲେ ମା ପୁଅ । ଏଭଳି ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ବିଶୋଇ ଥାନା ମଣଦା ୪୯ନ ମ୍ବର ଜାତୀୟ ରାଜପଥରେ । ବିଶୋଇ ବାଙ୍କିଡ଼ିହି ଗ୍ରାମରୁ ମା ପୁଅ ବାଇକ ଯୋଗେ ଯଶିପୁରକୁ ଯାଉଥିବା ବେଳେ ଏକ ଟ୍ରକ ପଛ ପଟୁ ଧକ୍କା ଦେଇ ଫେରାର ହୋଇଯାଇଥିଲା ।
ଧକ୍କାରେ ମା ପୁଅ ରାସ୍ତା କଡ଼ରେ ଛିଟିକି ପଡ଼ିଥିବା ବେଳେ ବାଇକ ଟି ୨୦ଫୁଟ ତଳକୁ ଖସି ପଡ଼ିଥିଲା । ସମାଜସେବୀ ସଞ୍ଜୟ ପରିଡା ଆହତ ମା ପୁଅଙ୍କୁ ଉଦ୍ଧାର କରି ମଣଦା ହସ୍ପିଟାଲରେ ଭର୍ତ୍ତି କରିଥିଲେ। ଘଟଣାସ୍ଥଳରରୁ ଟ୍ରକଟି ଫେରାର ହୋଇଯାଇଥିବା ଜଣାପଡ଼ିଛି ।
