ବାଲୁଗାଁ(କେନ୍ୟୁଜ୍): ଖୋର୍ଦ୍ଧା ଜିଲ୍ଲା ବଡ଼କୁଳ ନିକଟ ପାନ୍ଥନିବାସଠାରେ ନୌଚାଳନା ପ୍ରତିଯୋଗୀତା ଅନୁଷ୍ଠିତ ହୋଇଛି । ଆଇ.ଏନ.ଏସ ଚିଲିକା ଦ୍ୱାରା ପ୍ରଥମ ଥର ଏହି ପ୍ରତିଯୋଗୀତା ଅନୁଷ୍ଠିତ ହୋଇଥିଲା । ଆହୁଲା ମରା ଡଙ୍ଗା ଏବଂ କାତ ମରା ଡଙ୍ଗା ଦୁଇ ଭାଗରେ ଏହି ପ୍ରତିଯୋଗୀତା ହୋଇଥିଲା । ଉଭୟ ବିଭାଗରେ ପ୍ରାୟ ୧୪୦ ଜଣ ପ୍ରତିଯୋଗୀ ଭାଗ ନେଇଥିଲେ ।
ଆହୁଲା ମରା ପ୍ରତିଯୋଗୀତାରେ ମା ନାରାୟଣୀ ଶାନ୍ତି ନଗର ବାଲୁଗାଁ ଏବଂ କାତ ମରାରେ ଜୟନ୍ତପୁର ବରଡିର ମା ଯୋଗମାୟା ପ୍ରଥମ ସ୍ଥାନ ଅଧିକାର କରିଥିଲେ । ତେବେ ଏଭଳି କାର୍ଯ୍ୟକ୍ରମ କରିବାର ମୂଳ ଉଦ୍ଦେଶ୍ୟ ଥିଲା ମତ୍ସ୍ୟଜୀବୀ ଏବଂ ନୌସେନା ମଧ୍ୟ ସୁସମ୍ପର୍କ ସ୍ଥାପନ କରିବା ।