ଆଠଗଡ(କେନ୍ଯୁଜ୍) : କଟକ ଜିଲ୍ଲା ଆଠଗଡ଼ ଘୋଡ଼ାବର ଗାଁରେ ବୋମାମାଡ଼ ହୋଇଛି । ସାହି ବିବାଦରୁ ଗାଁ କୋଠଘର ଉପରେ ଗତକାଲି ରାତିରେ ବୋମାମାଡ଼ ହୋଇଥିବା ଜଣା ପଡ଼ିଛି । ଏଥିରେ ଦୁଇ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି । ଜଣଙ୍କର ଡାକ୍ତରଖାନାରେ ମୃତ୍ୟୁ ଘଟିଥିବାବେଳେ ଅନ୍ୟ ଜଣଙ୍କ ମୃତଦେହ କାନ୍ଥତଳୁ ଉଦ୍ଧାର କରାଯାଇଥିଲା । ବୋମାମାଡ଼ରେ ଘର ଭୁଶୁଡି ପଡ଼ିଛି ।
ଘର ଭିତରୁ ବୋମା ଫୁଟିଛି କି ବାହାରୁ ତାହା ଜଣାପଡ଼ି ନାହିଁ । ପୋଲିସ ଏବଂ ପ୍ରଶାସନିକ ଅଧିକାରୀ ଘଟଣା ସ୍ଥଳରେ ପହଞ୍ଚିଛନ୍ତି । ଉତ୍ତେଜନାକୁ ଦୃଷ୍ଟିରେ ରଖି ଘୋଡ଼ାବର ଗାଁରେ ଏକ ପ୍ଲାଟୁନ୍ ପୋଲିସ୍ ଫୋର୍ସ ମୁତୟନ ହୋଇଛନ୍ତି ।