ସମ୍ବଲପୁର (କେନ୍ୟୁଜ) : ଏବେର କରୋନା ସ୍ଥିତି ଯେମିତି ଅସମ୍ଭାଳ ହୋଇପଡିଛି ଅଧିକାଂଶ ଲୋକ ତ ନିଜକୁ କରୋନା ପଜିଟିଭ୍ ଜାଣିବା ପରେ ସେହି କଥାକୁ ଭାବି ଭାବି ହିଁ ଅଧିକ ଗୁରୁତର ହୋଇପଡୁଛନ୍ତି। ଯେ ହସ୍ପିଟାଲରେ ରୋଗୀକୁ ଭଲ ଚିକିତ୍ସା ମିଳୁନାହିଁ, ଅକ୍ସିଜେନର ଅଭାବ ରହୁଛି। ଏମିତି ଅନେକ କଥା ଆସୁଛି ମନକୁ। ତେବେ ଏହାରି ଭିତରେ ଏମିତି ଏକ ଦୃଶ୍ୟ ଦେଖିବାକୁ ମିଳିଛି ଯାହା ଆପଣଙ୍କ ଭାବନାକୁ ଏକଦମ୍ ବଦଳାଇଦେବ ଏବଂ ଏଭଳି ପରିସ୍ଥିତିରେ ଏହି ଭିଡିଓ ଆପଣଙ୍କ ମନୋବଳକୁ ନିହାତି ଭାବେ ବଢ଼ାଇଦେବ।
ବର୍ତ୍ତମାନ କରୋନା ମହାମାରୀ ଗୋଟାଏ ପରେ ଗୋଟିଏ ମୁଣ୍ଡ ଗଡାଉଥିବା ବେଳେ ଶତାଧିକ ସଂଖ୍ୟାରେ ଆକ୍ରାନ୍ତ ବର୍ତ୍ତମାନ ସୁଦ୍ଧା ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି। ଏଭଳି କ୍ଷେତ୍ରରେ ଅନେକ ରୋଗୀ ଡାକ୍ତରୀ ଚିକିତ୍ସା ଉପରେ ନିର୍ଭର କରୁଥିବା ବେଳେ ଆଉ କିଛି ରୋଗୀ ଭଗବାନଙ୍କ ଭରସାରେ ରହୁଛନ୍ତି। ଏମିତି ପରିସ୍ଥିତିରେ ରୋଗୀଙ୍କ ମନବଳକୁ ବଢ଼ାଇବା ପାଇଁ ଡାକ୍ତର ଚିକିତ୍ସିତ ହେଉଥିବା କୋଭିଡ ଆକ୍ରାନ୍ତଙ୍କ ମୁହଁରେ କିଛି ମାତ୍ରାରେ ହସ ଫୁଟାଇବାକୁ ସାମାନ୍ୟ ଚେଷ୍ଟା କରିଛନ୍ତି।
ଏଭଳି ଏକ ଭିଡିଓ ବର୍ତମାନ ଭାଇରାଲ ହେବାରେ ଲାଗିଛି। ଏହି ଭିଡିଓଟି ବୁର୍ଲା ଭୀମସାର କୋଭିଡ ହସ୍ପିଟାଲ ୨ ର ବୋଲି ଚର୍ଚ୍ଚା ହେଉଛି। ତେବେ ଏଭଳି ଭିଡ଼ିଓକୁ ଦେଖି ସାମାଜିକ ଗଣମାଧ୍ୟମରେ ଡାକ୍ତର ଏବଂ ନର୍ସ ମାନଙ୍କୁ ବେସ ପ୍ରଶଂସା କରିଛନ୍ତି କିଛି ଲୋକ।ଯେଉଁଠି କୋଭିଡ ହସ୍ପିଟାଲରେ କାର୍ଯ୍ୟରତ ଡାକ୍ତର ଓ ନର୍ସ ରୋଗୀଙ୍କୁ ସାମାନ୍ୟ ଅସ୍ବସ୍ତି ଦେବା ପାଇଁ ନିଜେ ନାଚିଛନ୍ତି। ନିଜେ ନାଚିବା ସହିତ ରୋଗୀଙ୍କୁ ମଧ୍ୟ ହସାଇବାକୁ ଚେଷ୍ଟା କରିଛନ୍ତି। ଜଣେ ମହିଳା ରୋଗୀ ମଧ୍ୟ ନିଜକୁ ଆସ୍ବସ୍ତି ଦେବା ପାଇଁ ନାଚକୁ ଉପଭୋଗ କରୁଥିବା ସହ ନିଜେ ମଧ୍ୟ ହସପିଟାଲ ବେଡରେ ଶୋଇ ଠୁମକା ମାରୁଛନ୍ତି। ଏ ଦୃଶ୍ୟୃ ବେଶ୍ ଖୁସି କରିଛି ସମସ୍ତଙ୍କୁ।
ଗତକାଲି ଭିମସାରରେ ଜଣେ କୋଭିଡ ଆକ୍ରାନ୍ତଙ୍କୁ ତ୍ରୁଟିପୂର୍ଣ୍ଣ ଇଂଜେକସନ ଦିଆଯାଉଥିବା ଅଭିଯୋଗ ହୋଇଥିଲା ଏବଂ ଆକ୍ରାନ୍ତଙ୍କ ସମ୍ପର୍କୀୟ ଭୀମସାର କୋଭିଡ ହସ୍ପିଟାଲ ଭିତରେ ପଶି ହଙ୍ଗାମା କରିଥିଲେ। ଆଉ ଅନ୍ୟପଟେ କୋଭିଡ ଆକ୍ରାନ୍ତଙ୍କ ମୁହଁରେ ସାମାନ୍ୟ ହସ ଫୁଟେଇବାକୁ ଯାଇ କିଛି ଡାକ୍ତର ଓ ନର୍ସ ଏଭଳି କିଛି ଡ୍ୟାନ୍ସ କରି ରୋଗୀଙ୍କ ମୁହଁରେ କିଛି ମାତ୍ରାରେ ଖୁସି ଦେବାକୁ ଚେଷ୍ଟା କରିଛନ୍ତି। ଆମେ ମଧ୍ୟ ଏହି ଯୋଦ୍ଧାଙ୍କର ଏଭଳି ପ୍ରୟାସକୁ ସଲାମ କରୁଛୁ।