କଳାହାଣ୍ଡି(କେନ୍ୟୁଜ୍): କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକର କିଡିଙ୍ଗ ଅଞ୍ଚଳରେ ଦେଖାଦେଇଛି ଜଙ୍ଗଲି ହାତୀଙ୍କ ଉପଦ୍ରବ। ସୂଚନା ମୁତାବକ ନିକଟସ୍ଥ କିଡିଙ୍ଗର ଧରମକାଁଣି ଜଙ୍ଗଲରୁ ହାତୀପଲ ପିସିଆସି କିଡିଙ୍ଗ ଓ କଉଗୁଡା ଗ୍ରାମର ବହୁ ଲୋକଙ୍କ ଘର ଭାଙ୍ଗିବା ସହ ଘରେ ପସି ଚାଉଳ ଖାଇବା ସହ ବାସନ-କୁଶନ ଦଳି ଚକଟି ନଷ୍ଟ କରିଦେଇଛି। ଏଥିସହ କିଡିଙ୍ଗ ଓ କାଉକୁଡା ଗାଁର ବହୁ ଲୋକଙ୍କ ଧାନ, ମକା ଓ ପନିପରିବା ଫସଲ ନଷ୍ଟ କରିଦେଇଥିବା ନେଇ ସୂଚନା ମିଳିଛି।
ବନବିଭାଗ ସୂଚନା ମୁତାବକ ମୋଟ ୨୯ଟି ହାତୀ ଦୁଇ ଦଳ ହୋଇ ଲୋକଙ୍କ ଘର ଭାଙ୍ଗିବା ସହ ବ୍ୟାପକ ଫସଲ ନଷ୍ଟ କରିଛନ୍ତି। ଏନେଇ ବନବିଭାଗ ପକ୍ଷରୁ କ୍ଷୟକ୍ଷତିର ଆକଳନ କରାଯାଉଛି।