ଭଦ୍ରକ: ଗାଁ ଦାଣ୍ଡରେ ବୋହୂର ଚୁଟି ଟାଣି ମାଡ଼ ମାରିଲେ ଶ୍ବଶୁର, ଥାନା ବାବୁ କହିଲେ ଉଭୟଙ୍କ ମଧ୍ୟରେ ସମାଧାନ ହୋଇଯାଇଛି
ଭଦ୍ରକ(କେନ୍ୟୁଜ୍): ବୋହୂକୁ ରାସ୍ତାରେ ଘୋଷାରି ଘୋଷାରି ମାଡ଼ । ଶ୍ବଶୁର ଓ ଶାଶୁ ନିଜ ବୋହୂକୁ ଚୁଟି ଟାଣି ବାଡାଉଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ମିଳିଥିବା ସୂଚନା ମୁତାବକ ଘଟଣାଟି ଭଦ୍ରକ ଜିଲ୍ଲା କେନ୍ଦୁଆପଦା ନିକଟସ୍ଥ ପଲହାସାହି ଅଞ୍ଚଳର ବୋଲି ଜଣା ପଡିଛି । ପୁଅ ବାହାରେ ରହୁଥିବାରୁ କୌଣସି କାରଣକୁ ନେଇ ଶାଶୁ, ବୋହୂ ଓ ଶ୍ବଶୁର ମଧ୍ୟରେ ବିବାଦ ଦେଖାଦେଇଥିଲା । ପରେ ଗାଁ ରାସ୍ତାରେ ବୋହୂର ଚୁଟିକୁ ଧରି ଶ୍ବଶୁର ଓ ଶାଶୁ ନିସ୍ତୁକ ମାଡ଼ ମାରୁଥିବାର ଦେଖିବାକୁ ମିଳିଛି ।
ମହିଳା ଜଣକ ଚିତ୍କାର କରୁଥିବା ବେଳେ ଅନ୍ୟ କେତେକ ଲୋକ ତାଙ୍କୁ ଉଦ୍ଧାର କରୁଥିବା ଭିଡିଓରେ ଦେଖିବା ପାଇଁ ମିଳିଛି । ଏହି ଘଟଣା ପରେ ମହିଳା ଜଣକ କେନ୍ଦୁଆପଦା ଥାନାରେ ଶ୍ୱଶୁରଙ୍କ ନାମରେ ଲିଖିତ ଏତଲା ଦେଇଛନ୍ତି । ଏସମ୍ପର୍କରେ ଭଦ୍ରକ ଗ୍ରାମାଞ୍ଚଳ ଥାନା ଅଧିକାରୀଙ୍କୁ ପଚାରିବାରୁ ଏହା ଏକ ପାରିବାରିକ ଝଗଡା ଓ ଉଭୟଙ୍କ ମଧ୍ୟରେ ସମାଧାନ ହୋଇଯାଇଥିବାର ଥାନାଧିକାରୀ ସୂଚନା ଦେଇଛନ୍ତି ।
