ପୂର୍ବ ଶତ୍ରୁତାକୁ କେନ୍ଦ୍ର କରି ବଲାଙ୍ଗୀର ସାଗରପଡ଼ାରେ ଗୋଷ୍ଠୀ ସଂଘର୍ଷ , ଭୁଜାଲି ଚୋଟରେ ଜଣେ ଗୁରୁତର
ବଲାଙ୍ଗୀର(କେନ୍ୟୁଜ୍) : ପୂର୍ବ ଶତ୍ରୁତାରୁ ବଲାଙ୍ଗୀରରେ ଗୋଷ୍ଠୀ ସଂଘର୍ଷ । ସାଗରପଡ଼ାରେ ଦୁଇଗୋଷ୍ଠୀ ମଧ୍ୟରେ ମାରପିଟ ହେବା ପରେ ଭୁଜାଲି ଚୋଟରେ ଜଣେ ଗୁରୁତର ହୋଇଛି । ଗୁରୁତର ଜଣକ ପରମଜିତ ସିଂହ ରାଠୋର ବୋଲି ଜଣାପଡ଼ିଛି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ପରେ ଦୁଇଗୋଷ୍ଠୀର ଲୋକମାନେ ଫେରାର ହୋଇଯାଇଛନ୍ତି । ପରମଜିତଙ୍କୁ ଗୁରୁତର ଅବସ୍ଥାରେ ବଲାଙ୍ଗୀର ଡାକ୍ତରଖାନାରେ ଭର୍ତ୍ତି କରାଯାଇଛି ।
