ରୋଷେଇ କରୁଥିବା ବେଳେ ଗ୍ୟାସ ଟାଙ୍କିରେ ଲାଗିଲା ନିଆଁ: ୩ଲକ୍ଷରୁ ଊର୍ଦ୍ଧ୍ୱ ଟଙ୍କାର ସମ୍ପତ୍ତି ନଷ୍ଟ, ଜଣେ ଆହତ
ଜଳେଶ୍ୱର(କେନ୍ୟୁଜ୍): ବାଲେଶ୍ବର ଜିଲ୍ଲା ବସ୍ତା ଥାନା ଅନ୍ତର୍ଗତ ମନୁଡିହା ଗ୍ରାମରେ ଏକ ଅଭାବନୀୟ ଘଟଣା ଘଟି ଯାଇଛି। ରୋଷେଇ କରୁଥିବା ବେଳେ ଗ୍ଯାସ ଟାଙ୍କିରେ ନିଆଁ ଲାଗିବା ଯୋଗୁ ୩ ବଖରା ଘର ସମ୍ପୂର୍ଣ୍ଣ ଭାବରେ ପୋଡିଯିବା ସହ ଜଣେ ଆହତ ହୋଇଛନ୍ତି । ସୂଚନା ଅନୁଯାୟୀ ମନୁଡିହା ଗ୍ରାମର ବଳରାମ ନାୟକଙ୍କ ଘରେ ଆଜି ରୋଷେଇ ଚାଲୁଥିବା ସମୟରେ କୌଣସି କାରଣରୁ ଗ୍ଯାସ ଟାଙ୍କିରେ ନିଆଁ ଲାଗି ଯିବାରୁ ଖୁବ୍ ଜୋରରେ ନିଆଁ ଜଳିଥିଲା।
ଫଳରେ ଘରେ ନିଆଁ ଲାଗିବା ଯୋଗୁ ୩ ବଖରା ଘର ସମ୍ପୂର୍ଣ୍ଣ ପୋଡି ପାଉଁଶ ହୋଇଯିବା ସହ ଘରର ସମସ୍ତ ଆସବାବପତ୍ର ଏବଂ ୩ଲକ୍ଷରୁ ଊର୍ଦ୍ଧ୍ୱ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି। ଖବର ପାଇ ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି।
