ଡହଡହ ଖରାର ଜ୍ୱାଳା: ଦିନ ୧୧:୩୦ ସୁଦ୍ଧା ୩୯ ଡିଗ୍ରୀ ରେକର୍ଡ
ପ୍ରଚଣ୍ଡ ଖରାରେ ଅସ୍ତବ୍ୟସ୍ତ ହେଲେଣି ରାଜ୍ୟବାସୀ । ସକାଳ ୮ଟା ୩୦ ସୁଦ୍ଧା ତାପମାତ୍ର ୩୨ ଡିଗ୍ରୀ ରେକର୍ଡ ହୋଇଛି ।
ଭୁବନେଶ୍ୱର (କେନ୍ୟୁଜ): ପ୍ରଚଣ୍ଡ ଖରାରେ ଅସ୍ତବ୍ୟସ୍ତ ହେଲେଣି ରାଜ୍ୟବାସୀ । ସକାଳ ୮ଟା ୩୦ ସୁଦ୍ଧା ତାପମାତ୍ର ୩୨ ଡିଗ୍ରୀ ରେକର୍ଡ ହୋଇଛି । ରାଜଧାନୀ ଭୁବନେଶ୍ୱରରେ ସକାଳ ୮.୩୦ ସୁଦ୍ଧା ୩୨ ଡ଼ିଗ୍ରୀ ତାପମାତ୍ରା ରେକର୍ଡ ହୋଇଥିବା ବେଳେ ଦିନ ୧୧ ଟା ୩୦ ସୁଦ୍ଧା ୩୯ ଡିଗ୍ରୀ ହୋଇଛି।
ଆଜି ଦିନ ୧୧ଟା ୩୦ ସୁଦ୍ଧା ରେକର୍ଡ #ତାପମାତ୍ରା
ଭୁବନେଶ୍ୱର: ୩୯ ଡ଼ିଗ୍ରୀ
ସମ୍ବଲପୁର: ୩୮ ଡ଼ିଗ୍ରୀ
ଝାରସୁଗୁଡା: ୩୭.୬ ଡ଼ିଗ୍ରୀ
ଚାନ୍ଦବାଲି: ୩୭.୪ ଡ଼ିଗ୍ରୀ
ବାଲେଶ୍ୱର: ୩୬.୮ ଡ଼ିଗ୍ରୀ
ହୀରାକୁଦ: ୩୬.୨ ଡ଼ିଗ୍ରୀ
କେନ୍ଦୁଝର: ୩୫.୪ ଡ଼ିଗ୍ରୀ
ଗୋପାଳପୁର: ୩୪ ଡ଼ିଗ୍ରୀ
ପୁରୀ: ୩୩.୮ ଡ଼ିଗ୍ରୀ
ପାରାଦୀପ: ୩୨.୮ ଡ଼ିଗ୍ରୀ— Meteorological Centre, Bhubaneswar (@mcbbsr) April 11, 2023
ଆଞ୍ଚଳିକ ପାଣିପାଗ ପକ୍ଷରୁ ସୂଚନାଦିନ ୧୦ ଟାରୁ ତତଲା କଡ଼େଇରେ ଭାଜି ହେଉଛି ସାରା ରାଜ୍ୟ । ବିଶେଷ କରି ଭୁବନେଶ୍ୱର କଟକରେ ବହୁଛି ଅସହ୍ୟ ଝାଞ୍ଜି । ସମୟ ଯେତେ ବଢୁଛି ତାତି ବି ସେତିକି ଅସହ୍ୟ ହେଉଛି । ଝାଞ୍ଜି ପବନର ଜ୍ୱାଳା ଦେହକୁ ପୋଡ଼ି ପକାଉଛି । ରାଜ୍ୟର ଅଧିକାଂଶ ସ୍ଥାନରେ ସୋମବାର ପ୍ରଚଣ୍ଡ ଗରମ ଅନୁଭୂତ ହୋଇଥିଲା ।
ଆସନ୍ତା ୨ରୁ ୩ ଦିନ ମଧ୍ୟରେ କିଛି ସ୍ଥାନରେ ଦିନ ତାପମାତ୍ରାରେ ୨ରୁ ୩ ଡିଗ୍ରୀ ଯାଏଁ ବୃଦ୍ଧି ହୋଇପାରେ । ପଣା ସଂକ୍ରାନ୍ତିରେ ୪୨ ଡିଗ୍ରୀ ପାର କରିପାରେ ପାରଦ । ଗତକାଲି ଚଳିତ ବର୍ଷ ପ୍ରଥମ ଥର ପାଇଁ ରାଜ୍ୟର ତାପମାତ୍ରା ୪୦ ଡିଗ୍ରୀ ଟପିଥିଲା । ଝାରସୁୁଗୁଡ଼ାରେ ସର୍ବୋଚ୍ଚ ତାପମାତ୍ରା ୪୦.୪ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି । ବାରିପଦାରେ ତାପମାତ୍ରା ୪୦ ଡିଗ୍ରୀ ଛୁଇଁଛି । ଭୁବନେଶ୍ୱର ସମତେ ୧୩ଟି ସ୍ଥାନରେ ୩୯ ଡିଗ୍ରୀ ଡେଇଁଛି ପାରଦ ।ରାଜଧାନୀ ସକାଳୁ ସକାଳୁ ଅସହ୍ୟ ତାତି ଅନୁଭୁତ ହେଉଛି । ଦିନ ବଢିବା ସହ ତାତି ବଢିବାରେ ଲାଗିଛି । ସକାଳେ ଆଦ୍ରତା ବୃଦ୍ଧି ଯୋଗୁଁ ଗୁଳୁଗୁଳି ଅଧିକ ହେଉଛି ।