ରାୟଗଡ଼ା (କେନ୍ୟୁଜ ): ରାୟଗଡ଼ା ଜିଲ୍ଲା କାଶୀପୁରରେ ଥମୁନି ହଇଜା । ମୃତ୍ୟୁସଂଖ୍ୟା ୯କୁ ବୃଦ୍ଧି ପାଇଛି। ଗତକାଲି ହଇଜା ପ୍ରଭାବିତ ଅଞ୍ଚଳ ଗସ୍ତ କରିଥିଲେ ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ । ହସ୍ପିଟାଲରେ ଆକ୍ରାନ୍ତଙ୍କ ଚିକିତ୍ସା ବାବଦରେ ପଚାରି ବୁଝିଛନ୍ତି । ଟିକିରି ସ୍ଥିତ ଜଡ଼ିଆ ସାହିକୁ ଯାଇ ଜଳଯୋଗାଣ ସ୍ଥିତିର ସମୀକ୍ଷା କରିଛନ୍ତି ସ୍ୱାସ୍ଥ୍ୟ ମନ୍ତ୍ରୀ । ଅନୁସୂଚିତ ଜାତି-ଜନଜାତି ବିକାଶ ମନ୍ତ୍ରୀ ଜଗନ୍ନାଥ ସାରକା, ଜନସ୍ୱାସ୍ଥ୍ୟ ନିର୍ଦ୍ଦେଶକ ନିରଞ୍ଜନ ମିଶ୍ର, ଜିଲ୍ଲାପାଳ ସ୍ୱାଧା ଦେବ ସିଂ ପ୍ରମୁଖ କ୍ଷେତ୍ର ପରିଦର୍ଶନରେ ସାମିଲ ଥିଲେ ।
ଏବେବି ପ୍ରାୟ ୬୧ ଜଣ ଆକ୍ରାନ୍ତ ହସପିଟାଲରେ ଚିକିତ୍ସାଧୀନ ଅଛନ୍ତି। ୪୮ ଜଣ ବର୍ତ୍ତମାନ ସୁଦ୍ଧା ସୁସ୍ଥ ହୋଇ ଘରକୁ ଫେରିଛନ୍ତି। ୧୭୮ଟି ଗାଁରେ ଜଳ ବିଶୋଧନ କରାଯାଇଛି। ୨୪୮ଟି ଗାଁ ପ୍ରତି ସ୍ୱାସ୍ଥ୍ୟ ବିଭାଗ ତୀକ୍ଷ୍ଣଣ ନଜର ରଖିଛି।