ସୃଷ୍ଟି ହୋଇପାରେ ଲଘୁଚାପ: ୯ରୁ ବଢ଼ିବ ବର୍ଷା
୧୧ ତାରିଖରେ ଭାରୀ ବର୍ଷା ସମ୍ଭାବନା ରହିଛି। ଆଇଏମ୍ଡି ପୂର୍ବାନୁମାନ କରିଛି ବାଲେଶ୍ୱର ଉପରେ ଏବେ ମୌସୁମୀର ନିମ୍ନ ଚାପରେଖା କ୍ଷେତ୍ର ରହିଛି। ଏହାର ପ୍ରଭାବରେ ରାଜ୍ୟରେ ବର୍ଷା ହେବ। ଆଜି ଆଭ୍ୟନ୍ତରୀଣ ଓଡ଼ିଶା ସମେତ ଉତ୍ତର ଓ ଦକ୍ଷିଣ ଓଡ଼ିଶାରେ ଭଲ ବର୍ଷା ହେବ।
ଭୁବନେଶ୍ୱର (କେନ୍ୟୁଜ): ୯ରୁ ବଢ଼ିବ ବର୍ଷା। ବିସ୍ତତ ସ୍ଥାନରେ ବର୍ଷା ହୋଇପାରେ। ୧୧ ତାରିଖରେ ଭାରୀ ବର୍ଷା ସମ୍ଭାବନା ରହିଛି। ଆଇଏମ୍ଡି ପୂର୍ବାନୁମାନ କରିଛି ବାଲେଶ୍ୱର ଉପରେ ଏବେ ମୌସୁମୀର ନିମ୍ନ ଚାପରେଖା କ୍ଷେତ୍ର ରହିଛି। ଏହାର ପ୍ରଭାବରେ ରାଜ୍ୟରେ ବର୍ଷା ହେବ। ଆଜି ଆଭ୍ୟନ୍ତରୀଣ ଓଡ଼ିଶା ସମେତ ଉତ୍ତର ଓ ଦକ୍ଷିଣ ଓଡ଼ିଶାରେ ଭଲ ବର୍ଷା ହେବ।
ସେହିଭଳି ୯ ତାରିଖରେ ଉପକୂଳ ଓ ଉତ୍ତର ଓଡ଼ିଶାରେ ବର୍ଷା ହେବ। ୧୦ଓ ୧୧ରେ ଓଡ଼ିଶାର ବିସ୍ତତ ଅଞ୍ଚଳରେ ଭାରୀ ବର୍ଷା ସମ୍ଭାବନା ରହିଛି। ଆସନ୍ତା ୧୦ ତାରିଖରେ ବଙ୍ଗୋପସାଗରରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇପାରେ ଏହା ପ୍ରଭାବରେ ୧୨ ଓ ୧୩ରେ ରାଜ୍ୟରେ ଭଲ ବର୍ଷା ହେବ। ଉପକୂଳ ଓ ଉତ୍ତର ଓଡ଼ିଶାର କିଛି ସ୍ଥାନରେ ମଧ୍ୟମରୁ ଭାରୀ ବର୍ଷା ହୋଇପାରେ। ଗତ ୨୪ ଘଣ୍ଟାରେ ମାଲକାନଗିରି ମାଥିଲିରେ ସର୍ବାଧିକ ୯୦ ମିଲିମିଟର ବର୍ଷା ରେକର୍ଡ ହୋଇଛି।
ସେପଟେ ଚଳିତ ମୌସୁମୀ ଋତୁରେ ଜୁନ୍ ୧ରୁ ଜୁଲାଇ ୭ ତାରିଖ ଭିତପେ ୨୦୬.୮ ମିଲିମିଟର ବର୍ଷା ରେକର୍ଡ ହୋଇଛି। ସ୍ୱାଭାବିକ ବର୍ଷା ତୁଳନାରେ ଏଠାରେ ୨୮ ପ୍ରତିଶତ କମ୍ ବର୍ଷା ହୋଇଛି।
