ଭୁବନେଶ୍ୱରରେ ହେବ ନୂଆ ଇଣ୍ଟରନ୍ୟାସନାଲ ଏୟାରପୋର୍ଟ, ଉପଯୁକ୍ତ ଜମି ମିଳିବା ପରେ ପ୍ରକ୍ରିୟା ହେବ ଆରମ୍ଭ
ଭୁବନେଶ୍ୱର(କେନ୍ୟୁଜ୍): ଭୁବନେଶ୍ୱରରେ ହେବ ନୂଆ ଇଣ୍ଟରନ୍ୟାସନାଲ ଏୟାରପୋର୍ଟ । ରାଜ୍ୟସଭାରେ ଉତ୍ତର ରଖିଲେ ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ହରଦୀପ ସିଂ ପୁରୀ । ଏଥିପାଇଁ ରାଜ୍ୟ ସରକାର ଜମି ଯୋଗାଇ ଦେବା ପରେ ପ୍ରକ୍ରିୟା ଆରମ୍ଭ ହେବ । କର୍ତ୍ତୃପକ୍ଷ ତିନିଟି ସ୍ଥାନ ଚିହ୍ନଟ କରିଛନ୍ତି । ହେଲେ ଏସବୁ ସ୍ଥାନ ବିମାନ ବନ୍ଦର ପାଇଁ ଉପଯୁକ୍ତ ନୁହଁ ବୋଲି ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ ପକ୍ଷରୁ କୁହାଯାଇଛି । ଏବେ ଚତୁର୍ଥ ସ୍ଥାନ ପାଇଁ ଆଲୋଚନା ଚାଲିଛି । ଉପଯୁକ୍ତ ଜମି ମିଳିବା ପରେ ପ୍ରକ୍ରିୟା ଆରମ୍ଭ ହେବ । ବିଜେଡି ସାଂସଦ ସସ୍ମିତ ପାତ୍ରଙ୍କ ପ୍ରଶ୍ନର ଉତ୍ତରରେ ଏହା କହିଛନ୍ତି ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ । ଓଡ଼ିଶାର ପ୍ରାଚୀନ ସଂସ୍କୃତି ସହ ମାଲୟେସିିଆ ଓ ଶ୍ରୀଲଙ୍କା ସହ ସଂପର୍କ ଥିବାରୁ ମଧ୍ୟ ସିଧାସଳଖ ବିମାନ ଚଳାଚଳ ପାଇଁ ସସ୍ମିତ ପାତ୍ର ଦାବି ଜଣାଇଥିଲେ । ସେହିପରି ବହୁ ସମୟରେ ଝାରସୁଗୁଡ଼ା ବିମାନବନ୍ଦରରୁ ବିମାନ ଚଳାଚଳ ଅନିୟମିତତା ନେଇ ସାଂସଦ ପ୍ରସନ୍ନ ଆଚାର୍ଯ୍ୟଙ୍କ ପ୍ରଶ୍ନରେ ଏଥିପାଇଁ ବିମାନ ସେବା ପ୍ରଦାନକାରୀ କଂପାନୀ ମାନଙ୍କ ସହ ଆଲୋଚନା କରାଯିବ ବୋଲି ମନ୍ତ୍ରୀ କହିଛନ୍ତି।
