ଜାନୁଆରୀ ମାସ ପାଇଁ ଗାଇଡ଼ଲାଇନ ଜାରି କଲେ ରାଜ୍ୟ ସରକାର, ଖୋଲିବ ସିନେମା ହଲ ଓ ଥିଏଟର
କେନ୍ୟୁଜ୍(ବ୍ୟୁରୋ): ଆସିଲା ଜାନୁଆରୀ ମାସ ପାଇଁ ରାଜ୍ୟ ସରକାରଙ୍କ ନୂଆ ଗାଇଡଲାଇନ୍ । ଏସଆରସିଙ୍କ ପକ୍ଷରୁ ଜାରି ହୋଇଛି କିଛି କଟକଣା । କରୋନା କଟକଣା ମଧ୍ୟରେ ଖୋଲିବ ଥିଏଟର୍ ଓ ସିନେମା ହଲ୍ । ୫୦ ପ୍ରତିଶତ ଦର୍ଶକକୁ ନେଇ ଖୋଲିବ ସିନେମା ହଲ୍ । ରାଜ୍ୟରେ ଜାନୁଆରୀ ୩୧ ଯାଏଁ ବନ୍ଦ ରହିବ ଅଙ୍ଗନବାଡି କେନ୍ଦ୍ର । ଏହାସହ ଆସନ୍ତା ୩୧ ତାରିଖ ସାରା ରାଜ୍ୟରେ ଜିରୋ ନାଇଟ୍ ସେଲିବ୍ରେସନ ଉପରେ ଲାଗିଛି ରୋକ । ଡିସେମ୍ବର ୩୧ ଓ ଜାନୁଆରୀ ୧ରେ ଉତ୍ସବ ପାଳନ ଉପରେ ରୋକ ଲାଗାଯାଇଛି। ଏହାସହ ହୋଟେଲ, କ୍ଲବ, ପାର୍କ ଓ ସର୍ବସାଧାରଣ ସ୍ଥାନରେ ବି ସେଲିବ୍ରେସନ ବନ୍ଦ ।
ସେହିଭଳି ବିବାହ କାର୍ଯ୍ୟକ୍ରମରେ ସର୍ବାଧିକ ୨୦୦ ଲୋକ ଓ ଶୁଦ୍ଧିକ୍ରୀୟାରେ ୧୦୦ ଲୋକ ରହିପାରିବେ ବୋଲି ଗାଇଡ଼ଲାଇନରେ କୁହାଯାଇଛି। ସର୍ବାଧିକ ୨୦୦ ଲୋକଙ୍କୁ ନେଇ ଧାର୍ମିକ ଓ ସାମାଜିକ ଅନୁଷ୍ଠାନକୁ ଅନମତି ଦେଇଛନ୍ତି ରାଜ୍ୟ ସରକାର
