ପାକିସ୍ତାନ ISI ଏଜେଣ୍ଟ ହାତରେ ଓଡ଼ିଶା ସିମ୍ କାର୍ଡ ଘଟଣା: ପଶ୍ଚିମବଙ୍ଗ ଯିବ ଓଡ଼ିଶା STF
ଅଫିସିଆଲ ସିକ୍ରେଟ୍ ଆକ୍ଟ ଓ ଅପରାଧିକ ଷଡ଼ଯନ୍ତ୍ର ମାମଲାରେ ଅଭିଯୁକ୍ତ ଗୁଡୁ କୁମାରକୁ ଗିରଫ କରିଥିଲା ପଶ୍ଚିମବଙ୍ଗ STF । ତା ନାଁରେ ନ୍ୟୁ ଜଲପାଇଗୁଡ଼ି ଥାନାରେ ମାମଲା ହୋଇଛି । ତଦନ୍ତ ବେଳେ ପଠାଣି ସାମନ୍ତ ଓ ଗୁଡୁ କୁମାରର ଲିଙ୍କ ଥିବା ଜାଣିବାକୁ ପାଇଛି ଓଡ଼ିଶା STF ।
କେନ୍ୟୁଜ୍(ବ୍ୟୁରୋ): ପାକିସ୍ତାନ ISI ଏଜେଣ୍ଟ ହାତରେ ଓଡ଼ିଶା ସିମ୍ କାର୍ଡ ଘଟଣାରେ ତଦନ୍ତ ପାଇଁ ପଶ୍ଚିମବଙ୍ଗ ଯିବ STF । ପୂର୍ବରୁ ପଶ୍ଚିମବଙ୍ଗ STF ଗିରଫ କରିଥିବା ଅଭିଯୁକ୍ତ ଗୁଡୁ କୁମାରକୁ ଜେରା କରାଯିବ । ଅଫିସିଆଲ ସିକ୍ରେଟ୍ ଆକ୍ଟ ଓ ଅପରାଧିକ ଷଡ଼ଯନ୍ତ୍ର ମାମଲାରେ ଅଭିଯୁକ୍ତ ଗୁଡୁ କୁମାରକୁ ଗିରଫ କରିଥିଲା ପଶ୍ଚିମବଙ୍ଗ STF । ତା ନାଁରେ ନ୍ୟୁ ଜଲପାଇଗୁଡ଼ି ଥାନାରେ ମାମଲା ହୋଇଛି । ତଦନ୍ତ ବେଳେ ପଠାଣି ସାମନ୍ତ ଓ ଗୁଡୁ କୁମାରର ଲିଙ୍କ ଥିବା ଜାଣିବାକୁ ପାଇଛି ଓଡ଼ିଶା STF ।
ସେପଟେ ଓଟିପି ସେୟାରିଂ ମାମଲାର ଜେଲରେ ଥିବା ମାଷ୍ଟରମାଇଣ୍ଡ ପଠାଣି ସାମନ୍ତକୁ ରିମାଣ୍ଡରେ ନେବ ପଶ୍ଚିମବଙ୍ଗ STF । ଏଥିପାଇଁ ଖୁବ ଶୀଘ୍ର କୋର୍ଟରେ ଆବେଦନ କରିବ ପଶ୍ଚିମବଙ୍ଗ STF ଟିମ୍ । ସେପଟେ ଅଭିଯୁକ୍ତ ପ୍ରୀତମର ଦୁଇ ଦିନିଆ ରିମାଣ୍ଡ ସରିଛି । ରିମାଣ୍ଡ ବେଳେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଏସଟିଏଫକୁ ମିଳିଛି । କ୍ରିପ୍ଟୋ କରେନ୍ସୀରେ ପାଖାପାଖି ୧ କୋଟି ଟଙ୍କା ଟ୍ରାଞ୍ଜାକ୍ସସନ ହୋଇଥିବା ଜାଣିବାକୁ ପାଇଛି ଏସଟିଏଫ ।