ହାତୀ ଆକ୍ରମଣରେ ବୃଦ୍ଧଙ୍କ ମୃତ୍ୟ ଅଭିଯୋଗ, ରାସ୍ତାରେ ଶବ ରଖି କ୍ଷତି ପୁରଣ ଦାବି   

ସୋରୋ : ଵାଲେଶ୍ୱର ଜିଲ୍ଲା ଔପଦା ବନ ବିଭାଗ ଅଧୀନ ଗଡ଼ସାହି ପଂଚାୟତ ଭରଡ଼ା ଭାଟି ଗ୍ରାମର ରତ୍ନାକର ଲେଙ୍କା ହାତୀ ଆକ୍ରମଣରେ ମୃତ୍ୟୁ ବରଣ କରିଥିବା ଅଭିଯୋଗ ହୋଇଛି l ପ୍ରତିବାଦରେ ସ୍ଥାନୀୟ ଅଂଚଳବାସୀ ଔପଦା- ମୟୁରଭଞ୍ଜ ମୁଖ୍ୟ ରାସ୍ତାରେ ଶବ ରଖି ଆନ୍ଦୋଳନ କରିଛନ୍ତି l

ଏହାକୁ ନେଇ ସ୍ଥାନୀୟ ଅଂଚଳରେ ଉତ୍ତେଜନା ପ୍ରକାଶ ପାଇଛି l ଔପଦା ତହସିଲଦାର ମିତାଲି ମଧୁ ଛନ୍ଦା ପାତ୍ର, ରେଞ୍ଜର ମନୋରଞ୍ଜନ ନାୟକ ଓ ଔପଦା ଥାନା ଅଧିକାରୀ ଶ୍ରବଣ କୁମାର ମହାରଣା ଘଟଣା ସ୍ଥଳରେ ପହଂଚିଥିବା ଜଣାଯାଇଛି l ମୃତ ରତ୍ନାକର ଲେଙ୍କା ସକାଳେ ପାହାଡ଼ ପାଖରେ ଥିବା ନିଜ ଜମିକୁ ଯାଇଥିବା ବେଳେ ହାତୀ ଆକ୍ରମଣରେ ଶିକାର ହୋଇ ମୃତ୍ୟୁ ବରଣ କରିଥିବା ସ୍ଥାନୀୟ ଲୋକଙ୍କୁ ଠାରୁ ଜଣାଯାଇଛି l

ରତ୍ନାକର ଦିନ ୧ ଟା ପର୍ଯ୍ୟନ୍ତ ଘରକୁ ନ ଫେରିବାରୁ ପରିବାର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରି ଶେଷରେ ସନ୍ଧ୍ୟା ସମୟରେ ପାଖ ବିଲରେ ମୃତ ଅବସ୍ଥାରେ ପଡିଥିବାର ଦେଖିବାକୁ ପାଇଥିଲେ l ଶତାଧିକ ଗ୍ରାମବାସୀ ସହ ସ୍ଥାନୀୟ ଅଂଚଳ ଲୋକମାନେ ମୃତ ଶବକୁ ଆଣି ଏହି ମୁଖ୍ୟ ରାସ୍ତାରେ ରଖି କ୍ଷତି ପୂରଣ ଦାବି କରି ରାସ୍ତା ଅବରୋଧ କରିଥିଲେ l ଫଳରେ ଦୁଇ ଜିଲ୍ଲାକୁ ସଂଯୋଗ କରୁଥିବା ମୁଖ୍ୟ ରାସ୍ତାଟିରେ ଯାନ ଓ ବାହାନ ଚଳାଚଳ ସମ୍ପୂର୍ଣ ବନ୍ଦ ରହିଥିବା ଦେଖା ଯାଇଥିଲା । ପୋଲିସ ପହଂଚି ଲୋକଙ୍କୁ ବୁଝାସୁଝା କରୁଥିବା ଦେଖାଯାଇଛି ।

 

KnewsOdisha ଏବେ WhatsApp ରେ ମଧ୍ୟ ଉପଲବ୍ଧ । ଦେଶ ବିଦେଶର ତାଜା ଖବର ପାଇଁ ଆମକୁ ଫଲୋ କରନ୍ତୁ ।