ଢେଙ୍କାନାଳ(କେନ୍ୟୁଜ୍): ଦନ୍ତା ହାତୀ ଆକ୍ରମଣରେ ଜଣଙ୍କ ମୃତ୍ୟୁ । ଢେଙ୍କାନାଳ ସଦର ରେଞ୍ଜ ବଳରାମପୁର ଗାଁ ନିକଟ ବଗିଚାରେ ହାତୀ ଆକ୍ରମଣରେ ସୁରେନ୍ଦ୍ର ପରିଡ଼ାଙ୍କ ନାମକ ବ୍ୟକ୍ତିଙ୍କ ମୃତ୍ୟୁ ହୋଇଛି । ସୁରେନ୍ଦ୍ର ଘରୁ ସାଇକେଲରେ କାଜୁ ବଗିଚାକୁ ଯାଉଥିବା ବେଳେ ହାତୀ ଆକ୍ରମଣର ଶିକାର ହୋଇଥିଲେ । ଘଟଣାସ୍ଥଳରେ ସୁରେନ୍ଦ୍ରଙ୍କ ମୃତ୍ୟୁ ଘଟିଥିବା ବେଳେ ଖବର ପାଇ ବନ କର୍ମଚାରୀ ଓ ଗ୍ରାମବାସୀ ପହଞ୍ଚିଥିଲେ । ଦୁର୍ଘଟଣାରେ ବନ ବିଭାଗର ଅବହେଳାକୁ ନେଇ ଚାପା ଉତ୍ତେଜନା ଦେଖିବାକୁ ମିଳିଥିଲା ।