ଦୁବାଇରେ ପୁଣି ପ୍ରବଳ ବର୍ଷା ଓ ଝଡତୋଫାନ, ଅନେକ ଉଡାଣ ସହିତ ଇଣ୍ଟରସିଟି ବସ୍ ସେବା ଠପ୍
ଦୁବାଇରେ ପ୍ରବଳ ବର୍ଷା ଓ ତୋଫାନ ଯୋଗୁଁ ଗୁରୁବାର ଅରେଞ୍ଜ ଆଲର୍ଟ ଜାରି ହୋଇଛି । ଏହାସହିତ ୧୨ରୁ ଅଧିକ ଉଡାଣ ରଦ୍ଦ କରାଯାଇଛି । ଇଣ୍ଟରସିଟି ବସ୍ ସେବା ବନ୍ଦ ହୋଇଯାଇଛି । ଅଫିସରେ କାମ କରୁଥିବା ଲୋକଙ୍କୁ ଘରୁ ନ ବାହାରିବା ପାଇଁ ନିର୍ଦ୍ଦେଶ ଦିଆଯାଇଛି । ଦୁବାଇରେ ପ୍ରବଳ ବର୍ଷା ଓ ତୋଫାନ ଯୋଗୁଁ ଲୋକେ ଭୟଭୀତ ହୋଇଛନ୍ତି ।
ୟୁଏଇରେ ପୁଣିଥରେ ପ୍ରବଳ ବର୍ଷ ଏବଂ ଝଡତୋଫାନ ଯୋଗୁଁ ଜନସାଧାରଣ ଚିନ୍ତାରେ ପଡିଯାଇଛନ୍ତି । ଦୁବାଇରେ ପ୍ରବଳ ବର୍ଷ ଓ ତୋଫାନ ଯୋଗୁଁ ଗୁରୁବାର ଅରେଞ୍ଜ ଆଲର୍ଟ ଜାରି ହୋଇଛି । ଏହାସହିତ ୧୨ରୁ ଅଧିକ ଉଡାଣ ରଦ୍ଦ କରାଯାଇଛି । ଇଣ୍ଟରସିଟି ବସ୍ ସେବା ବନ୍ଦ ହୋଇଯାଇଛି । ଅଫିସରରେ କାମ କରୁଥିବା ଲୋକଙ୍କୁ ଘରୁ ନ ବାହାରିବା ପାଇଁ ନିର୍ଦ୍ଦେଶ ଦିଆଯାଇଛି । ଦୁବାଇରେ ପ୍ରବଳ ବର୍ଷା ଓ ତୋଫାନ ଯୋଗୁଁ ଲୋକେ ଭୟଭୀତ ହୋଇଛନ୍ତି ।
ଖବର ମୁତାବକ, ଗତ କିଛିଦିନ ତଳେ ୟୁଏଇରେ ବର୍ଷା ତାଣ୍ଡବ ରଚିଥିଲା । ଆଗାମୀ ୪୮ ଘଣ୍ଟା ମଧ୍ୟରେ ଦୁବାରେ ପ୍ରବଳ ବର୍ଷା ଓ ତୋଫାନ ହେବାର ଅନୁମାନ କରାଯାଉଛି । ସମସ୍ତ ଅଞ୍ଚଳରେ ସୁରକ୍ଷା ସତର୍କ ସୂଚନା ଦିଆଯାଇଛି । ସ୍କୁଲ ବନ୍ଦ ରଖିବା ସହିତ ପିଲାମାନଙ୍କୁ ଅନଲାଇନରେ ପଢିବା, କମ୍ପାନୀ ନିଜ କର୍ମଚାରୀଙ୍କୁ ଘରୁ କାମ କରିବା ପାଇଁ ନିର୍ଦ୍ଦେଶ ଦେଇଛି । ପାର୍କି ଓ ସମୁଦ୍ର ତଟ ବନ୍ଦ ରଖାଯାଇଛି । ଏହାସହିତ ବିମାନବନ୍ଦର ଓ ଏୟାରଲାଇନ୍ସ ମଧ୍ୟ ସମସ୍ତ ପ୍ରସ୍ତୁତି ସାରିଛି । କିଛି ଉଡାଣକୁ ତତକାଳ ପ୍ରଭାବରେ ରଦ୍ଦ କରାଯାଇଛି । ରାସ୍ତାରେ ଯିବା ଆସିବାରେ ରୋକ ଲଗାଯାଇଛି ।
ରାଷ୍ଟ୍ରୀୟ ପାଣିପାଗ ବିଜ୍ଞାନ କେନ୍ଦ୍ର ଦ୍ୱାରା ଜାରି ଆଲର୍ଟ ଅନୁସାରେ, ୟୁଏଇରେ ଅଧ ରାତିରୁ ପ୍ରବଳ ବର୍ଷା ହେଉଛି । ଦୁବାଇରେ ୨.୩୫ରୁ ବିଜୁଳି ଘଡଘଡି ମାରୁଛି । ଆଗାମୀ ୪୮ ଘଣ୍ଟା ଯାଏଁ ସତର୍କ ସୂଚନା ଜାରି କରାଯାଇଛି ।
ସୂଚନାଯୋଗ୍ୟ, ଦୁବାଇରେ ହୋଇଥିବା ଲଗାଣ ବର୍ଷା ମଙ୍ଗଳବାର ପର୍ଯ୍ୟନ୍ତ ଲାଗି ରହିଥିଲା । ପାଣିପାଗ ବିଭାଗର ସୂଚନା ଅନୁଯାୟୀ, ଦୁବାଇରେ ୨୪ ଘଣ୍ଟାରେ ସର୍ବାଧିକ ୧୬୦ ମିଲିମିଟର ବର୍ଷା ରେକର୍ଡ କରାଯାଇଥିଲା । ଦୁବାଇ ବିମାନ ବନ୍ଦରରେ ୧୦୦ ରୁ ଅଧିକ ବିମାନ ଉଡାଣ ପାଇଁ ଆଶା କରାଯାଉଥିବାବେଳେ ଏଭଳି ଅସାଧାରଣ ପାଗକୁ ନଜରରେ ରଖି ସମସ୍ତ ବିମାନ ବାତିଲ ପାଇଁ ପଦକ୍ଷେପ ନିଆଯାଇଥିଲା । ଗୋଟିଏ ଦିନରେ ବର୍ଷକର ବର୍ଷା ହେବା ଫଳରେ ଏୟାରପୋର୍ଟ, ମେଟ୍ରୋ, ସମସ୍ତ ସ୍କୁଲ ଓ କଲେଜ ବନ୍ଦ ରହିଥିଲା ।
ରନୱେରେ ପାଣି ପଶିବା ଯୋଗୁଁ ବିମାନ ଚଳାଚଳ ବାତିଲ କରାଯାଇଥିଲା । ଦୁବାଇରୁ ଭାରତ, ପାକିସ୍ତାନ, ଲଣ୍ଡନ ଯିବାକୁ ଥିବା ଅନେକ ବିମାନ ବାତିଲ ହୋଇଥିଲା । ଦୁବାଇ, ଆବୁଧାବି, ସାରଜାହ,ଅମିରତ ଆଦି ଅଞ୍ଚଳରେ ପ୍ରବଳ ବର୍ଷାର ସମ୍ଭାବନା ଥିବାରୁ ଲୋକଙ୍କୁ ଘରୁ ବାହାରିବାକୁ ବାରଣ କରାଯାଇଥିଲା ।
