ଭୁବନେଶ୍ବର(କେନ୍ୟୁଜ୍): ସକାଳୁ ସକାଳୁ ଦୁଃଖଦ ଖବର ! ପରଲୋକରେ ପଦ୍ମପୁର ବିଧାୟକ ବିଜୟ ରଞ୍ଜନ ସିଂ ବରିହା । ଗତକାଲି ବିଳମ୍ବିତ ରାତିରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସାଳୟ ଅବସ୍ଥାରେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା । ପଦ୍ମପୁରରୁ ୫ ଥର ବିଧାୟକ ଥିଲେ ବିଜୟ ରଞ୍ଜନ ସିଂ ବରିହା ।
୧୯୯୦ରୁ ୨୦୦୦ ଯାଏ କ୍ରମାଗତ ଦୁଇ ଥର ଜନତା ଦଳ ଟିକେଟରେ ବିଧାୟକ ହୋଇଥିଲେ । ପରେ ବିଜେଡି ଟିକେଟରେ ୨୦୦୦-୨୦୦୪ ଯାଏ ତୃତୀୟ ଥର ନିର୍ବାଚନ ଜିତି ଆସିଥିଲେ ବିଧାନସଭା । ଏହାପରେ ୨୦୦୯-୨୦୧୪ ଓ ପରେ ୨୦୧୪ରେ ପଞ୍ଚମ ଥର ହୋଇଥିଲେ ବିଧାୟକ । ତାଙ୍କ ବିୟୋଗରେ ରାଜନୈତିକ ମହଲରେ ଗଭୀର ଶୋକ ପ୍ରକାଶ ପାଇଛି । ବରଗଡ଼ ଜିଲ୍ଲା ସମେତ ପଶ୍ଚିମ ଓଡ଼ିଶା ଓ ବିଜେଡି ଜଣେ ଦକ୍ଷ ଓ ଟାଣୁଆ ସଂଗଠକୁ ହରାଇଛି ।