ପ୍ରଦୀପ ପାଣିଗ୍ରାହୀଙ୍କ ସହଯୋଗୀ ସର୍ବେଶ୍ୱର ରାଓ ଗିରଫ,ଟାଟାରେ ଚାକିରି ନାଁରେ ଜାଲିଆତି ପ୍ରସଙ୍ଗରେ ଜେରା କରିଥିଲା କ୍ରାଇମବ୍ରାଞ୍ଚ
କେନ୍ୟୁଜ୍(ବ୍ୟୁରୋ): ପ୍ରଦୀପ ପାଣିଗ୍ରାହୀଙ୍କ ଘନିଷ୍ଠ ସହଯୋଗୀ ସର୍ବେଶ୍ୱର ରାଓ ଗିରଫ । ପୂର୍ବତନ କଲେଜ ଅଧ୍ୟକ୍ଷ ସର୍ବେଶ୍ୱର ରାଓ ଗିରଫ । ଆଜି ଦୁଇ ଜଣଙ୍କୁ ସାମ୍ନାସାମ୍ନି ଜେରା କରିଥିଲା କ୍ରାଇମବ୍ରାଞ୍ଚ । ଟାଟାରେ ଚାକିରି ନାଁରେ ଜାଲିଆତି ପ୍ରସଙ୍ଗରେ ସର୍ବେଶ୍ୱର ରାଓଙ୍କୁ କ୍ରାଇମ୍ବ୍ରାଞ୍ଚ ମାରାଥନ ଜେରା କରିଥିଲା ।
ସର୍ବେଶ୍ୱରଙ୍କ ଜରିଆରେ ଲକ୍ଷ ଲକ୍ଷ ଟଙ୍କା ସଂଗ୍ରହ କରୁଥିଲେ ଆକାଶ ପାଠକ ଓ ପ୍ରଦୀପ ପାଣିଗ୍ରାହୀ । ଓଡିଶା, ବିହାର ଛଡା ଆଉ କେଉଁଠୁ ଟଙ୍କା ଲୁଟିଛନ୍ତି ? ଆହୁରି କେତେ ଯୁବକଯୁବତୀ ଠକାମିର ଶିକାର ହୋଇଛନ୍ତି ? ଠକେଇ ଟଙ୍କା କାହା ଆକାଉଣ୍ଟକୁ କେତେ କେତେ ଯାଇଛି ? ଠକେଇ ଟଙ୍କା କେଉଁଠାରେ ବିନିଯୋଗ ହୋଇଛି ? ସେ ସବୁର ଖୋଳତାଡ କରୁଛି କ୍ରାଇମ ବ୍ରାଞ୍ଚ ଟିମ ।
