ମନ୍ଦିରରୁ ଚୋରି କରିଥିଲେ ୨ ଚୋର, ଦୁଇ ଦିନ ଭିତରେ ବାନ୍ଧିଲା ରାଇକିଆ ପୋଲିସ୍
ରାଇକିଆ(କେନ୍ୟୁଜ୍): କନ୍ଧମାଳ ଜିଲ୍ଲା ରାଇକିଆ ହନୁମାନ ମନ୍ଦିରରେ ଗତ ଗୁରୁବାର ବିଳମ୍ବିତ ରାତିରେ ମନ୍ଦିରର ତାଲା ଭାଙ୍ଗି ହନୁମାନଙ୍କ ମୁକୁଟ ସହ ବିଭିନ୍ନ ସାମଗ୍ରୀ ଚୋରି ହୋଇଥିଲା । ଶୁକ୍ରବାର ସକାଳେ ମନ୍ଦିର ପୁଜାରୀ ସକାଳେ ପୁଜା କରିବା ପାଇଁ ଆସି ଦେଖିଥିଲେ। ମନ୍ଦିର ତାଲା ଭାଙ୍ଗି ଚୋରି ହୋଇଥିବା ନେଇ ସେ ଥାନାରେ ଏତଲା ଦେଇଥିଲେ।
ଅଭିଯୋଗକୁ ଆଧାର କରି ପୋଲିସ୍ ତଦନ୍ତ ଜାରି ରଖିଥିଲା । ତେବେ ରବିବାର ଦିନ ଅଭିଯୁକ୍ତକୁ ଧରିବାରେ ସଫଳ ହୋଇଥିଲା ପୋଲିସ୍। ଅଭିଯୁକ୍ତଠାରୁ ମନ୍ଦିର ବିଭିନ୍ନ ସାମଗ୍ରୀ ଜବତ କରିବା ସହ ସମ୍ପୃକ୍ତ ଦୁଇ ଜଣକୁ ଗିରଫ କରି କୋର୍ଟ ଚାଲାଣ କରିଛି ରାଇକିଆ ପୋଲିସ୍ । ଗିରଫ ୨ଜଣ ହେଲେ ଗୁଞ୍ଜିବାଡି ଗ୍ରାମ କନ୍ଧ ସାହିର ମିଲନ ପ୍ରଧାନ, ସାରଙ୍ଗ ଥାନା ବାନ୍ଧାବାଜୁ ଗ୍ରାମ ଦୀପକ ଦିଗାଲ।
