ପାରାଦୀପ: ଫେଲ୍ ମାରିଲା ଡକାୟତି ଯୋଜନା , ଧରାପଡିଲେ ୪ ଡକାୟତ
ପାରାଦୀପ(କେନ୍ୟୁଜ୍) : ଫେଲ୍ ମାରିଲା ଡକାୟତି ଯୋଜନା। ଧରାପଡିଲେ ୪ ଡକାୟତ। ଏକ ବଡ ଧରଣର ଡକାୟତି ଯୋଜନା କରୁଥିବାବେଳେ ପାରାଦୀପ ଆଦର୍ଶ ଥାନା ପୋଲିସ ଏହାକୁ ପଣ୍ଡ କରିଛି। ସେମାନଙ୍କ ନିକଟରୁ ଗୋଟିଏ ଦେଶୀ ପିସ୍ତଲ ସହ ତିନି ରାଉଣ୍ଡ ଗୁଳି, ଚାପଡା ଓ କଟୁରୀ ଜବତ କରାଯାଇଛି।
ଗତକାଲି ରାତିରେ ଏହି ୪ଜଣ ଡକାୟତି ପାଇଁ ଯୋଜନା କରୁଥିବାବେଳେ ପୋଲିସ ଖବର ପାଇ ଚଢାଉ କରିଥିଲା। ମୁଖ୍ୟ ଅଭିଯୁକ୍ତ ଘୁଙ୍ଗୁରୁ ନାଁରେ ୫୦ରୁ ଅଧିକ ମାମଲା ରହିଛି। ଆଜି ଗିରଫଙ୍କୁ କୋର୍ଟ ଚାଲାଣ କରାଯିବ।
