ଭୁବନେଶ୍ବର: ଚୋରି ହୋଇଥିବା ୪୦ ମୋବାଇଲ ଜବତ କଲା ସହିଦନଗର ପୋଲିସ, ଫେରାଇଲା ମାଲିକଙ୍କୁ
କେନ୍ୟୁଜ୍(ବ୍ୟୁରୋ): ଚୋରି ହୋଇଥିବା ମୋବାଇଲ ଜବତ କରି ମାଲିକଙ୍କୁ ଫେରାଇଲା ସହିଦନଗର ପୋଲିସ । ୪୦ଟି ଚୋରି ମୋବାଇଲ ଜବତ ହୋଇଥିବା ବେଳେ ୨୫ ଜଣ ମୋବାଇଲ ମାଲିକଙ୍କ ପରିଚୟ ମିଳିଛି ।
ଆଜି ସେମାନଙ୍କୁ ଡାକି ମୋବାଇଲ ଫେରସ୍ତ କରିଛି ସହିଦନଗର ଥାନା ପୋଲିସ । ୧୫ ଦିନ ମଧ୍ୟରେ ସହିଦ ନଗର ଅଞ୍ଚଳରେ ଚଢଉ କରି ମୋବାଇଲ ଜବତ କରିଥିଲା ପୋଲିସ । ଏଥିସହ ୮ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ସହିଦନଗର ଥାନା ପୋଲିସ ।ଏପଟେ ନିଜର ମୋବାଇଲ ଫେରିପାଇଥିବାରୁ କମିଶନରେଟ ପୋଲିସକୁ ଧନ୍ୟବାଦ ଦେଇଥିଲେ ମୋବାଇଲ ମାଲିକମାନେ । ମୋବାଇଲ ସହ ନିଜର ଭାବନା ଯୋଡି ହୋଇ ରହିଥିବାରୁ ମୋବାଇଲ ପାଇ ଖୁସିରେ କାନ୍ଦି ପକାଇଥିଲେ ମୋବାଇଲ ଫେରିପାଇଥିବା ଜଣେ ବ୍ୟକ୍ତି ।