ଦୁଷ୍ମନ୍ତଙ୍କ ମୃତ୍ୟୁ ପଛରେ ଷଡଯନ୍ତ୍ର କରାଯାଇଛି, କୁଜଙ୍ଗ ବିଧାୟକ ସମ୍ବିତ ରାଉତରାୟଙ୍କ ବିସ୍ଫୋରକ ମନ୍ତବ୍ୟ
କେନ୍ୟୁଜ୍(ବ୍ୟୁରୋ): ଜଗତସିଂହପୁର ଜିଲ୍ଲା କୁଜଙ୍ଗର ଦୁଷ୍ମନ୍ତ ଦାସଙ୍କ ମୃତ୍ୟୁ ଘଟଣାରେ ପାରାଦୀପ ବିଧାୟକ ସମ୍ବିତ ରାଉତରାୟଙ୍କ ବିସ୍ଫୋରକ ମନ୍ତବ୍ୟ । ସେ କହିଛନ୍ତି, ମୃତ୍ୟୁ ପଛରେ ଷଡଯନ୍ତ୍ର କରାଯାଇଛି । ଏହା ପଛରେ ଯାହାର ହାତ ଅଛି ସେ ଧରାପଡ଼ିବ । କିଏ ଭୁବନେଶ୍ୱର ଆଣିଥିଲେ ତାଙ୍କୁ ଖୋଜୁଛି ପୋଲିସ । ଦୁଷ୍ମନ୍ତଙ୍କ ପରିବାକୁ ପୋଷ୍ୟ ପରିବାର ଭାବେ ବିଧାୟକ ସମ୍ବିତ ରାଉତରାୟ ଗ୍ରହଣ କରିଛନ୍ତି । ସବୁ ଦାୟିତ୍ୱ ନେବେ ବିଧାୟକ । ଝିଅର ପାଠପଢ଼ାଠାରୁ ବାହାଘର ଯାଏ ସବୁ ଦାୟିତ୍ୱ ତୁଲାଇବେ ବୋଲି କହିଛନ୍ତି । ଗତ ବୁଧବାର ଦିନ ଚିକିତ୍ସାରେ ଅବହେଳା ଅଭିଯୋଗ କରି ବିଧାନସଭା ଆଗରେ ଆତ୍ମହତ୍ୟା ଉଦ୍ୟମ କରିଥିଲେ ଦୁଷ୍ମନ୍ତ ।
ବିଷ ପିଇବା ସହ ହାତ କାଟି ଦେଇଥିଲେ ଦୁଷ୍ମନ୍ତ । ପରେ ଏସସିବିରେ ତାଙ୍କର ଦେହାନ୍ତ ହୋଇଥିଲା । ପୂର୍ବରୁ ତାଙ୍କର ଚିକିତ୍ସାରେ ଏସସିବି ଡାକ୍ତରୀ ଟିମ୍ ତାଙ୍କୁ ଚିକିତ୍ସାରେ କୌଣସି ଅବହେଳା ହୋଇ ନଥିବା କହିଥିବା ବେଳେ ତାଙ୍କର ଏମିତି କ୍ଷତ ହୋଇଥିଲା ଯେ ତାହା ସ୍ୱାଭାବିକ ହୋଇଯିବ ସମ୍ଭାବନା ନଥିବା ରିପୋର୍ଟରେ ଉଲ୍ଲେଖ ରହିଛ
