କୁଚିଣ୍ଡା(କେନ୍ୟୁଜ୍): ସମ୍ବଲପୁର ଜିଲ୍ଲା କୁଚିଣ୍ଡାର ପଞ୍ଚମୁଖୀ ଛକରେ ଥିବା ପୋଷ୍ଟ ଅଫିସର ଏଟିଏମ୍ରୁ ନାଗସାପ ଉଦ୍ଧାର କଲେ ବନବିଭାଗ। ଟଙ୍କା କାଢିଲା ବେଳେ ଲୋକେ ଏକ ୫ ଫୁଟ ଲମ୍ବର ନାଗସାପ ଥିବାର ଦେଖିଥିଲେ । ଯାହାଦ୍ୱାରା ଲୋକମାନେ ସେଠାରେ ଆଉ ଟଙ୍କା ନକାଢି ଆଖପାଖରେ ଥିବା ଲୋକଙ୍କୁ ଜଣାଇଥିଲେ। ପରେ ସମସ୍ତେ ମିଶି ସ୍ନେକ୍ ହେଲ୍ପ ଲାଇନକୁ ଖବର ଦେଇଥିଲେ।
ଖବର ପାଇ ବନବିଭାଗ ର ରେଞ୍ଜର ଗଗନ ବିହାରୀ ମଲ୍ଲିକ କର୍ମଚାରୀମାନଙ୍କ ସହିତ ଆସି ବହୁତ ଖୋଜା ଖୋଜି କରିଥିଲେ ହେଲେ ସାପଟିକୁ ପାଇ ନଥିଲେ। ଏଟିଏମ ସାମ୍ନାରେ ସୂଚନା ଫଳକ ଲଗାଇ ଦେଇଥିବାରୁ ଲୋକମାନେ ଯାଉ ନଥିଲେ। ସୂଚନା ମୁତାବକ ୪ ଦିନ ଧରି ବହୁତ ଖୋଜାଖୋଜି କରିବା ପରେ ଆଜି ନାଗସାପଟିକୁ ଉଦ୍ଧାର କରାଯାଇଛି। ବନବିଭାଗ ପକ୍ଷରୁ ଉକ୍ତ ସାପଟିକୁ ଉଦ୍ଧାର କରାଯିବା ପରେ ପାଖ ଜଙ୍ଗଲରେ ଛାଡିଦିଆଯାଇଛି।